انوار الصحیفۃ فی الاحادیث الضعیفۃ میں تمام روایات کیا ضعیف ہیں از:شیخ رفیق طاہر حفظہ اللہ

نہ تو انوار الصحیفہ میں موجود تمام تر احادیث ضعیف ہیں اور نہ ہی اس سے خارج کی گئی تمام تر احادیث صحیح ہیں ۔

یوں تو شیخ محترم حافظ محمد زبیر علی زئی حفظہ اللہ ورعاہ بھی اس مجموعہ میں تصحیح و تصویب وتنقیح کا کام وقتا فوقتا کرتے رہتے ہیں ۔ اور اسی طرح اگر علماء کرام انہیں انکی کسی غلطی پر مطلع کریں تو وہ حق کو پہچان کر فورا رجوع فرما لیتے ہیں ۔ راقم نے بھی شیخ محترم کو انوار الصحیفہ کے بارہ میں کچھ ملاحظات پیش کیے ہیں جن پر انہوں مراجعت فرمائی ہے ۔ 

اور یاد رہے کہ حدیث کی صحت وضعف کا کام ایک اجتہادی نوعیت کا ہے ۔ اور مجتہد کو غلطی بھی لگ سکتی ہے ۔ لہذا اگر انہوں نے منہج کے اپنانے میں غلطی کی ہے یا حکم لگانے میں سہو کا شکار ہوئے ہیں تو یہ کوئی معیوب بات نہیں ہے ۔ معیوب بات حق کے واضح ہو جانے کے بعد اسے نہ اپنانا ہے ۔

اور یہ معاملہ صرف شیخ زبیر علی زئی حفظہ اللہ کے ساتھ ہی نہیں بلکہ محدث العصر علامہ ناصر الدین البانی رحمہ اللہ کے ساتھ بھی تھا ۔ کہ سلسلہ صحیحہ اور صحیح سنن اربعہ میں داخل کردہ انکی تمام تر احادیث صحیح نہیں اور نہ ہی سلسلہ ضعیفہ اور ضعیف سنن اربعہ وغیرہ میں شامل کردہ تمام تر مرویات ضعیف ہیں ۔ 

اہل علم میں حدیث کی صحت وسقم میں اختلاف کا سبب اختلاف منہج بنتا ہے اور اختلاف منہج کا سبب تفاوت علم اور تفاوت قوت استنباط واستخراج ہوتا ہے ۔

بحوالہ

http://www.ahlulhdeeth.com/vb/archive/index.php/t-403.html?s=59d36f80c5101d45d0d8c6a5814f2ae3