خط وکتابت کا نیا ایڈریس

جو بھائی مجھے رسائل وغیرہ بھیجتے ہیں وہ آئندہ سے اس اڈریس پر ارسال کیا کریں 

الاصلاح سکول سسٹم حسین خانوالا ہٹھاڑ 

تحصیل و ضلع قصور 

ڈاک خانہ خاص 

ابراہیم بن بشیر الحسینوی 

مکمل تحریر >>>

الاصلاح سکول سسٹم کے تحت رمضان المبارک میں روزانہ فہم اسلام سیمینار

مردوں اور عوتوں کے الگ الگ انتظام ہے ۔

مقام :جامع مسجد اہل حدیث حسین خانوالا ہٹھاڑ 

اس میں صحیح بخاری سے کتاب البیوع(خریدو فروخت کے متعلق) پڑھائی جائی گی ۔ان شاء اللہ

وقت:بعد نماز عصر 

مدرس: ابراہیم بن بشیر الحسینوی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مثالی خاتون اور مثالی اولاد 

صرف خواتین کے لئے 

اس میں تربیتی دروس دئیے جائیں گے ان شاء اللہ 

مقام:الاصلاح سکول سسٹم حسین خانوالا ہٹھاڑ

وقت :صبح:۹ بجے سے گیارہ بجے تک ان شاء اللہ

مدرس:ابراہیم بن بشیر الحسینوی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

صحیح بخاری کی کتاب الصلاۃ(نماز کے متعلق) پڑھائی جائے گی ۔

مردوں کے لئے 

مقام:مدنی مسجد اہل حدیث چوک حسین خانوالا ہٹھاڑ 

وقت:بعد نماز ظہر 

مدرس:ابراہیم بن بشیر الحسینوی 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

معاشرے کی اصلاح کیسے ممکن ہے 

مسجد مفت پورہ حسین خانوالا ہٹھاڑ

مدرس :ابراہیم بن بشیر الحسینوی

ہر جمعرات بعد نماز عشاء

۔۔۔۔۔۔۔۔۔۔۔۔۔۔۔۔۔۔۔۔

مردوں اور عورتوں کے لئے الگ الگ انتظام ہے 

بعد نماز فجر 

مدرسہ سلفیہ حسین خانوالا ہٹھاڑ

صحیح بخاری سے کتاب التوحید پڑھائی جائے گی 

مدرس:ابراہیم بن بشیر الحسینوی

۔۔۔۔۔۔۔۔۔۔۔۔۔۔۔۔۔۔

الداعی الی الخیر :

انتظامیہ الاصلاح سکول سسٹم حسین خانوالاہٹھاڑ:03065094013

مکمل تحریر >>>

سفر امن پور۔فیصل آباد اورگوجرانوالا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سفر امن پور پنڈی گھیپ چکوال

تقریبا ۲۰۰۲ میں ایک ماہ کے لئے سفر کیا تاکہ شیخ غلام مصطفی ظہیر امن پوری حفظہ اللہ سے استفادہ کیا جاسکے ایک ماہ شیخ سے آثارالسنن مکمل پڑھی بلکہ شیخ نے اس کا ردبھی لکھوایا اور شیخ ابن عثیمین کی کتاب القواعد المثلی کا ترجمہ بھی لکھوایا ۔فجزاہ اللہ ۔اس سفر میں علمی فائدہ ہوا اور اس گاوں میں کچھ عجیب و غریب اشیاء دیکھنے کو ملیں جو کہ سو سالہ پرانی تھیں ۔

۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔

سفر فیصل آباد 

جامعہ رحمانیہ میں پانچوں کلاس میں تھا دورہ تفسیر کرنے لئے ستیانہ بنگلہ فیصل آباد کا سفر کیا اس میں استاد محترم محدث العصر شیخ عبداللہ امجد چھتوی اور استاد محترم اصولی شیخ ابونعمان بشیر احمدحفظھمااللہ سے مکمل قرآن مجید کی تفسیر پڑھی اور بہت زیادہ فائدہ ہوا ،اس دوران شیخ عبدالشکور شاہ رحمہ اللہ اور شیخ عتیق اللہ حفظہ اللہ نے ہماری خوب تربیت بھی جو کہ عام مدارس میں نہیں کی جاتی ۔اس دورہ تفسیر میں ایک سو کے قریب طلباء موجود تھے جن میں شیخ تنویر مدرس جامعہ دارالسلام منڈی واربرٹن ،شیخ نعمان فاروقی ،شیخ ندیم حفظھما اللہ ریسرچ سکالر دارالسلام لاہور وغیرہ بھی موجود تھے ۔

پھر تقریبا ۲۰۰۱ میں دوبارہ فیصل آباد کا سفر کیا اس سفر میں میرے ساتھ میرے استاد محترم میرے مربی اور مجھے علم سے آشنا کروانے والے شیخ عبدالرشید راشد رحمہ اللہ اور میرے دوست قاری عبدالروف بن یعقوب (حال استاد بونگہ بلوچاں )بھی ساتھ تھے اس سفر کا مقصد مرکز التربیۃ الاسلامیہ فیصل آباد میں داخلہ لینا تھا ۔اللہ کی توفیق سے انٹرویو ہوا داخلہ مل گیا پھر تین سال فیصل آباد کے محدثین سے استفادہ کیا مثلا شیخ ارشاد الحق اثری ،شیخ مسعودعالم ،شیخ حافظ محمد شریف ،شیخ عبدالعزیز علوی ،شیخ عبدالرزاق ساجد ،شیخ ادریس سلفی حفظھم اللہ وغیرھم۔

۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔

سفرگوجرانوالا 

زمانہ طالب علمی شیخ نورپوری حفظہ اللہ سے ملاقات کی غرض سے سفر کیا اور ملاقات ہوئی پھر اگلے سال جامعہ محمدیہ گوجرانوالا میں ایک ماہ قیام کیا اور شیخ محترم کی مسجد میں درس بخاری میں شریک ہونے کاموقع ملتا رہا ۔اس کی ساری تفصیل راقم نے استاد محترم شیخ نورپوری رحمہ اللہ کی وفات پر اپنے مضمون میں لکھ دی تھی وہی تفصیل درج ذیل ہے ۔

مکمل تحریر >>>

سفر مکہ ومدینہ اور مکی ومدنی محدثین سے ملاقاتیں قسط 3 (آخری)

عمرہ مکمل کیا اور اللہ تعالی کا بہت زیادہ شکریہ ادا کیا والحمدللہ علی ذلک 

مدینہ منورہ سے واپسی پر دوبارہ عمرہ کرنے کی سعادت حاصل ہوئی ،والحمدللہ علی ذلک 

مکہ مکرمہ اور مدینہ منورہ کے بعض مقدس مقامات کی زیارتیں کیں ۔

۔۔۔۔۔۔۔۔۔۔۔۔۔۔۔۔۔۔۔

مکہ مکرمہ میں جن محدثین سے ملاقاتیں ہوئیں 

دکتور وصی اللہ بن محمد عباس حفظہ اللہ مدرس الحرم المکی ومدرس جامعہ ام القری مکہ مکرمہ 

شیخ ندیم سلفی متعلم ماجستیر فی ام القری حفظہ اللہ نے شیخ محترم کو بتایا کہ پاکستان سے ابن بشیر الحسینوی بھائی آپ سے ملنا چاہتے ہیں انھوں نے ہمیں ٹائم دے دیا وہ مقررہ وعدہ کے مطابق حرم مکی میں درس حدیث دینے کے تشریف لائے اور ہمیں اپنی گاڑھی میں ساتھ اپنے گھر لے گئے ،کافی دیر ان کی بہت وسیع و عریض بیٹھک میں بیٹھے گفتگو کرتے رہے اور کھانا بھی اکٹھے کھایا 

پھر میں نے کہا کہ شیخ محترم اپنا مکتبہ بھی ضرور دکھائیں پھر وہ ہمیں بیسمنٹ میں لے گئے اوروہ بہت بڑا مکتبہ تھا کافی دیر اس میں گھومتا پھرتا رہا واپسی پر شیخ محترم نے اپنی کچھ کتب تحفہ میں پیش کیں ۔

فجزاہ اللہ خیرا ۔

اس مجلس میں مجھے بہت زیادہ فوائد ملے اور میں شیخ محترم سے کافی متاثر ہوا ۔

شیخ ابوالاشبال شاغف بہاری مکی حفظہ اللہ 

زمانہ طالب علمی سے شیخ محترم کا بہت نام سنا تھا خصوصا شیخ ارشاد الحق اثری حفظہ اللہ ان کا بہت تذکرہ کرتے تھے اور شیخ محترم کے بعض مضامین ہفت روزہ الاعتصام میں پڑھنے کا موقع ملتا رہا ۔

شیخ ندیم سلفی حفظہ اللہ نے شیخ محترم سے وقت لیا کہ آپ سے ابن بشیر الحسینوی بھائی ملتا چاہتے ہیں انھوں نے ہمیں وقت دے دیا کہ فلاں دن فلاں وقت میرے گھر آجائیں ۔

ہم مقررہ وقت پر شیخ محترم کی رہائش گاہ میں پہنچ گئے اس سفرمیں ہمارے ساتھ شیخ محقق العصر عزیر شمس حفظہ اللہ بھی ساتھ تھے اور ڈرائیونگ بھائی سراج منیرمتعلم دارالحدیث مکہ مکرمہ کر رہے تھے ،طویل سفر کے بعد شیخ محترم بہاری مکی حفظہ اللہ کے پاس پہنچ گئے ان کی لائبریری میں ہی جا کر بیٹھے ماشاء اللہ بہت ہی منظم لائبریری پائی کیا مجال ہے کہ کوئی کتاب بے ترتیب سے پڑی ہو ۔

تقریبا دو گھنٹے کی نشست شیخ محترم سے ہوئی اس میں بے شمار عجیب وغٖریب تحقیقات سننے کو ملیں اور شیخ محترم بہت ہی دقیق النظر ہیں اور رجال و حدیث پر وسیع المطالعہ ہیں ۔اور صحیح بخاری اور امام بخاری کے شیدائی ہیں اس موقع پر شیخ محترم نے اپنی تصانیف بھی دکھائیں ۔فجزاہ اللہ خیرا ۔

شیخ عبد العظیم بن عبدالعلیم بستوی حفظہ اللہ 

شیخ ابوالاشبال شاغف بہاری مکی حفظہ اللہ کے پاس بیٹھے ہوئے تھے کہ شیخ عزیر شمس حفظہ اللہ نے بتایا کہ شیخ عبدالعظیم حفظہ اللہ سخت بیمار ہیں تو شیخ شاغف بہاری مکی حفظہ اللہ نے کہا کہ مجھے کوئی اطلاع نہیں ،شیخ عزیر شمس حفظہ اللہ نے کہا کہ ہمیں ان کی تیمار داری کے جانا چاہئے تو شیخ شاغف بہاری مکی حفظہ اللہ نے کہا کہ ضرور جانا چاہئے وہاں ہی اسی وقت فیصلہ ہوگیا کہ ہم اکٹھے ابھی جاتے ہیں تو ہم نے فورا ان کی طرف سفر شروع کر دیا بھائی سراج منیر حفظہ اللہ ڈرائیونگ کر رہے ان کے ساتھ فرنٹ سیٹ پر شیخ شاغف بہاری مکی حفظہ اللہ کو بٹھا دیا اور ہم (شیخ عزیر شمس ،شیخ ندیم سلفی حفظہمااللہ اور راقم الحروف )پیچھے والی سیٹ پر بیٹ گئے اور کچھ دیر بعدشیخ بستوی حفظہ اللہ کے رہائش پر پہنچ گئے ان کے بیٹے نے بیٹھک کا دروازہ کھولااور بٹھا دیا اور اند ر اپنے والد محترم شیخ بستوی حفظہ اللہ کو اطلاع دی اور وہ شدید بیمار کی حالت میں آہستہ آہستہ چلتے ہوئے ہمارے پاس بیٹھک میں پہنچ گئے ان کی تیمار داری کی اور تقریباایک گھنٹہ ان کے پاس بیٹھے رہے بے شمار موضوعات پرگفتگو ہوئی ،میں نے انھیں علوم و فنون میں بہت پختہ پایا ،اور ان سے عجیب و غریب معلومات سننے کو ملیں ۔فجزاہ اللہ خیرا

شیخ عزیر شمس حفظہ اللہ 

شیخ محترم کے پاس تقریبا دس دن گزارنے کا موقع ملا روزانہ ہم اکٹھے ہوتے تھے نماز عصر سے لے کر رات گئے تک روزانہ اکٹھے ہوتے اکٹھے سفر کرتے اور مختلف مجلسوں میں اکٹھے بیٹھنے کا اتفاق ہوا 

راقم نے شیخ محترم کو بہت ہی صفات کا مالک پایا ایسی صفات بہت کم لوگوں میں دیکھنے کو ملتی ہیں ،ان کے ارد گرد اکثر طلباء و علماء کا ہجوم رہتا ہے اور ان کا دروازہ طلباء علوم نبوت کے لئے ہر وقت کھلا رہتا ہے اور ان کی رہنمائی بے مثال نظر آئی اور ان کی فکر سلیم بہت ہی اجلی ہوئی دکھائی دیتی ہے اور ان کے کارنامے تحقیقی و تصنیفی کام بطور معجزہ ثابت ہوتے ہیں ،وہ مدفون خزانوں کوعام کررہے ہیں فجزاہ اللہ خیرا ۔

اس قدر طلباء و علماء کہ رہنمائی کرنے والا میری آنکھوں نے کوئی نہیں دیکھا ،جن دنوں میں شیخ محترم کے پاس رہاان دنوں شیخ محترم کے اہل خانہ انڈیا گئے ہوئے تھے وہ خود ہی ہماری خدمت کرتے تھے ہمارے کہنے پربھی وہبے تکلفی سے پینے کی بعض اشیاء خود تیارکرتے تھے ،وہ علم کے خزانے بڑی تیزی سے نچھاور کرتے رہتے ہیں علم میں انھیں بحر بے کراں پایا ۔اور صاحب رائے مجتھد اور محنتی وان تھک انسان پایا جس کی پوری دنیا پر نظر ہے ۔فجزاہ اللہ خیرا 

شیخ محترم خود مجھے اپنی گاڑھی پر مکہ مکرمہکے مشہور مکتبے پر لے جہاں پر شیخ معلمی یمانی رحمہ اللہ کام کرتے رہے 

اسی طرح جس ادارے میں شیخ محترم کام کرتے ہیں دار عالم الفوائد اس کی بھی زیارت کروائی میں شیخ محترم سے بہت ہی متاثر ہوا ،اب جلدی دوبارہ حرمین شریفین کی زیارت کے لئے جانا ہے تاکہ حرمین کی سعادتوں اور مکہ ومدینہ کے محدثین سے فائدہ اٹھا سکوں ۔

مدینہ منورہ کے محدثین سے ملاقاتیں :

شیخ ضیاء الرحمن اعظمی حفظہ اللہ 

راقم نے شیخ کی عظیم ترین اور بے مثال کتاب الجامع الکامل فی الحدیث الشامل کی نو جلدوں پر کام کیا ،والحمدللہ ۔جب راقم مکہ مکرمہ پہنچا دارالسلام لاہور کے مینجر جناب عبدالعظیم اسد حفظہ اللہ نے مدینہ منورہ کے دارالسلام مینجر محترم جناب منیب کبریاء صاحب کو میرے سفر حرمین کی اطلاع دے دی اور کہا کہ حسینوی بھائی کی شیخ اعظمی صاحب سے ضرور ملاقات کروانا تاکہ جو حسینوی بھائی شیخ صاحب سے مناقشہ کر سکیں اور جو اعتراضات ہیں وہ شیخ پر پیش کر سکیں !!!

اس اجمال کی تفصیل یہ ہے کہ راقم کواس کتاب پر ملاحظات تھے جس کی دارالسلام لاہور کے مینجر جناب عبدالعظیم اسد حفظہ اللہ اطلاع ہوئی انھوں نے فورا مجھ سے رابطہ کیا اور کہا کہ آپ کو اس کتاب پر کیا اعتراض ہے تو راقم نے کچھ بیان کئے تو انھوں نے مجھے کہا وقت نکال کر دارالسلام لاہور آئیں ہم اکٹھے بیٹھتے ہیں مقررہ وقت پر راقم ان کے پاس پہنچا اور تقریبا دو گھنٹے ان سے بات کی اس سے ان کو کافی تشفی ہوئی یہ باتیں واقعۃ قابل اعتراض ہیں !!!

پھر جناب عبدالعظیم اسد حفظہ اللہ نے مجھے کہا کہ تم اب ایک جلد پر تنقیدی نظر سے کام کرو اور اعتراضات و اشکالات کا خاکہ تیار کرو اس میں تمھیں آزادی ہے ،راقم ان دنوں الجامع الکامل کی جلد نمبر ۹ پر کام کر رہاتھا ،راقم نے جلد نمبر ۹ پر تنقیدی کام کیا اورایک خطہ تیار کیا جو دارالسلام نے کمپوزنگ کروا کر شیخ اعظمی صاحب کو پیش کیا ۔۔۔۔۔۔۔

شیخ اعظمی صاحب نے میرے اعتراضات کو پڑھا ۔۔۔۔۔۔۔۔۔

انھیں دنوں اللہ تعالی سفر حرمین شریفین کی زیارت کی توفیق عطافرمائی 

دارلسلام نے راقم کی ملاقات شیخ اعظمی صاحب سے کروائی تاکہ جو اعتراضات ہیں ان پر بحث ہو سکے ۔۔۔۔۔اور تقریبا دو گھنٹے سے زیادہ ان اعتراضات پر بحث ہوئی والحمدللہ ۔

اس دورامجھے شیخ محترم سے بہت کچھ سیکھنے کو ملا فجزاہ اللہ خیرا ۔

اور یہ علمی میٹنگ ان کی لائبریری مدینہ منورہ میں ہوئی ۔

شیخ عبدالمحسن العباد حفظہ اللہ 

مسجد نبوی میں شیخ محترم بلوغ المرام پڑھا رہے تھے راقم ان کے درس میں بیٹھا اور دیکھتا رہا ۔حفظہ اللہ ۔وہ بہت کمزور ہو چکے تھے ۔

شیخ ابوبکر الجزائری حفظہ اللہ

مسجد نبوی میں شیخ محترم کو تفسیر قرآن پڑھاتے ہوئے دیکھا وہ بہت ہی کمزور ہو چکے تھے بلکہ بولنے کی استطاعت بھی نہیں رکھتے تھے ان کا ایک شاگرد شیخ محترم کی تفسیر کی کتاب کی قراء ت کر رہا تھا اور شیخ محترم اپنے ہاتھ کو بار بار اوپر اٹھا رے تھے ۔حفظہ اللہْ 

یہ تھے وہ محدثین جن سے میری اس مبارک سفر میں ملاقات ہوئی ۔

لیکن اب پھر جلد ہی سفر حرمین کرنا ہے اللہ تعالی آسانی فرمائے پھر دیگر کئی ایک عرب محدثی سے استفادہ کرنا ہے ان شاء اللہ ۔

۔۔۔۔۔۔۔۔۔۔۔۔۔۔۔۔

مکمل تحریر >>>

سفر مکہ و مدینہ ،مکی اور مدنی محدثین سے ملاقاتیں قسط 2

تقریبا دو بج چکے تھے ہم بیدار ہوئے میں نے افسوس سے کہا کہ امی جی جمعہ ہم سے رہ گیا !جلدی اٹھیں اور چلیں بیت اللہ !
ہم اٹھے وضو کیا اور ہوٹل سے نیچے اترے اور کسی سے پوچھا :این بیت اللہ ؟بیت اللہ کہاں ہے ؟
تو اس نے جواب دیا کہ الی طول!اور اس طرف ہاتھ کا اشارہ کیا،میں سمجھ گیا کہ اس طرف ہے ہم نے چلنا شروع کردیا جب کبوتر والا چوک پر پہنچیں تو آگے سے بہت زیادہ لوگ آ رہے تھے کیونکہ جمعہ سے فارغ ہو کر لوگ آ رہے تھے ہم نے اس طرف جانا شروع کر دیا جب بن داود بلڈنگ کے اس کونے پر پہنچے جہاں کھجور کا درخت لگا ہوا ہے تو رش بہت زیادہ ہو گیا راقم نے اس قدر زیادہ رش اپنی زندگی میں پہلی بار دیکھا تھا بڑی مشکل سے والدہ صاحبہ کو سنبھالہ تقریبا نصف گھنٹے کے بعد رش کم ہوا ۔میں اپنی ایڑھیوں کے اوپر کھڑا ہو کر بار بار دیکھ رہا تھا کہ بیت اللہ کہاں ہے کہیں نظر نہیں آرہا !!؟؟اچانک مجھے مسجد حرام کے باہر باب عبدالعزیز کے سامنے اوپر ٹھنڈی ہوا کے لئے لگے ہوے پنکھے نظر آئے میں نے خیال کیا کہ شاید اس کی دیوار کے پیچھے نہ ہو ؟؟!!!!
کیو نکہ یہ پہلی بار تھی اس لئے کوئی علم نہیں تھا !!!
پھر میں نے ایک آدمی سے پوچھا کہ بیت اللہ کہاں ہے ؟؟
اس نے سمجھایا کہ تم باب عبدالعزیز سے داخل ہو جاو پھر سیدھا چلتے جانا ہے جہاں مسجدحرام کی عمارت ختم ہوگی تب بیت اللہ آئے گا ،مجھے بہت خوشی ہوئی کہ ہم بس بیت اللہ کے قریب ہی کھڑے ہیں !!!پھر چلنا شروع کر دیا اور کافی چلے مسجد حرام بہت ہی خوبصورت انداز سے بنائی گئی ہے سبحان اللہ !
پھر جب عمارت ختم ہوئی اچانک نظر اوپر اٹھائی تو سامنے بیت اللہ نظر آیا ،اور نظر آتے ہی آنکھوں میں آنسووں شروع ہو گئے اور اللہ تعالی کی حمد بیان کی کہ جس ذات نے ہمیں اپنے مقدس گھر کی زیارت سے نوازا ہے ورنہ مجھ جیسے غریب آدمی کے لئے کیسے ممکن تھا یہ سب اللہ تعالی ہی کی مہربانی تھی ۔اور کھڑے کھڑے کافی دعائیں کیں جن میں ایک نیک بیٹے کی دعا کی تھی کہ اے اللہ مجھے نیک بیٹے کی نعمت سے نواز دے اور یہ بھی دعا کی مجھے اپنے گھر میں مستقل رکھ لے ۔۔۔۔والدہ صاحبہ بھی مسلسل رورو رہی تھیں اور دعائیں کر رہی تھیں ۔

مکمل تحریر >>>

جمہوریت اور فن جرح و تعدیل کی حقیقت

جس راوی کو جمھور محدثین مجروح سمجھیں تو متاخرین کے نزدیک یہ راوی مجروح ہی ہوتا ہے !!

راوی کو ثقہ یا ضعیف کہنا بہت اہم مسئلہ ہے اور بہت زیادہ تحقیق طلب کام ہے اس میں محدثین کے مختلف اقوال کو دیکھنا پڑتا ہے پھر مختلف اقوال میں جمع و تطبیق دی جاتی ہے پھر کہیں جا کر کسی راوی کو ثقہ یا ضعیف کہا جاتا ہے لیکن بعض لوگوں نے راویوں کی توثیق یا تضعیف کے میدان میں ایک باطل اصول کو اپنا رکھا ہے اور وہ یہ اصول ہے :((جس راوی کو جمھور محدثین مجروح سمجھیں تو متاخرین کے نزدیک یہ راوی مجروح ہی ہوتا ہے ))(فتاوی علمیہ:جلد۲ صفحہ۲۹۴)اس اصول کو ثابت کرنے کے لئے دلیل میں یہ لکھا گیا ہے :((عبدالوھاب بن علی السبکی (متوفی ۷۷۱ھ)لکھتے ہیں :’’ان عدد الجارح اذا کان اکثر قدم الجرح اجماعا‘‘بے شک اگر جارحین کی تعداد زیادہ ہو تو بالاجماع جرح مقدم ہوتی ہے ۔(قاعدۃ فی الجرح والتعدیل ص:۵۰)(فتاوی علمیہ جلد ۲ ص۲۹۴)

بعض لوگوں نے یہی منھج اپنی تمام کتب میں اپنا رکھا ہے حالانکہ یہ منھج درست نہیں ہے ۔

۱:تعداد گننا یعنی ووٹنگ کرنا جمہوری نظام ہے کہ جس کو زیادہ ووٹ دے دیں وہ ثقہ ہے ۹ کے مقابلے میں ۱۰ جمہور ہیں ۔افسوس کہ اس میں محدثین کے مرتبوں کا لحاظ نہیں رکھا جاتا بس تعداد شمار کی جاتی ہے مثلا ایک طرف امام بخاری ،امام ابو حاتم ،امام ابوذعہ اور امام علی بن مدینی اور امام دارقطنی رحمہ اللہ کسی راوی کو ثقہ کہ رہے ہوں ان کے مقابلے امام ترمذی ،امام ابن حبان وغیرہ کی مثل پانچ کسی راوی کو ضعیف کہ رہے ہوں تو وہاں یہی تحقیق لکھی جاتی ہے کہ اس راوی کو جمہور نے ضعیف کہا ہے لہذا یہ راوی ضعیف ہے !!!!

حالانکہ یہ بات اظہر من الشمس ہے کہ جرح وتعدیل میں جو مقام اور پختگی امام بخاری کو حاصل ہے وہ امام ترمذی کو نہیں ،لیکن باطل منھج انسان کو کہیں سے کہیں لے جاتا ہے ۔

۲:جب کوئی بات اپنی تائید میں ہو تو چاہے اس کا قائل کوئی متاخر ہی کیوں نہ ہو اس کو لے لیا جاتا ہے اور اسکو بنیاد بنا پر جرح وتعدیل میں کسی اہم مسئلے کی بنیاد رکھ دی جاتی ہے اور جب کوئی بات اپنی تائید میں نہ ہو اور وہ نہ لینی ہو تو یہ کہہ کر ٹھکرا دی جاتی ہے کہ یہ تو متاخر کا قول ہے فانا للہ وانا الیہ راجعون ۔

یہ تحقیق میں دوغلی پالیسی کیوں ؟؟!!!

۳:حسن لغیرہ کی حجیت میں کہا گیا تھا کہ متقدمین سے ثابت کرو اور ہمیں طعنہ دیا گیا تھا کہ تم نے متاخرین سے ثابت کیا ہے اس لئے قبول نہیں لیکن راوی کی توثیق یا تضعیف کے مسئلے میں صرف متاخر کے قول کو حرف آخر سمجھ لیا گیا ؟!!کیا ہمیں بھی حق ہے کہنے کا : اس اصول کو متقدمین سے ثابت کریں ۔ورنہ یہ اصول باطل ہے !!!

۴:پھر اس پر اجماع کا دعوی کیا گیاہے !!!!یہ اجماع کب ہوا کس نے کیا ،کن کی موجودگی میں ہوا ،کس نے اس اجماع کو درست تسلیم کیا وغیرہ وغیرہ ۔کسی کے لفظ اجماع لکھ دینے سے وہ اجماع نہیں ہوتا فافہم ۔

مکمل تحریر >>>

مولانا عبدالمنان عابد رحمہ اللہ داماد محدث العصر عبدالروف بن عبدالحنان بن حکیم اشرف سندھو وفات پا گئے

موصوف انتہائی اعلی اخلاق کے مالک تھے عرصہ نو سال سے سندھو کلاں کی جامع مسجد الفرقان میں مدرس و خطیب تھے اور ان کی شادی محدث العصر عبدالروف بن عبدالحنان حفظہ اللہ کی بڑی صاحبزادی سے ہوئی تھی اصل ان کی رہائش گھلن ہٹھاڑ نزد ٹھینگ موڑ مین تھی لیکن مسجد میں ذمہ داری کے باعث وہ سندھو کلاں میں ہی مقیم تھے وہ چند دن پہیلے اچانک ایکسیڈنٹ مین وفات پا گئے انا للہ وانا الیہ راجعون ۔

ان سے راقم کی بھی دو ملاقاتیں ہو چکی ہیں انھوں نے مجھے اپنی مسجد میں تبلیغی پروگرام کے لئے بلایا وہ انتہائی اسلام سے محبت کرنے والے اور درد دل رکھنے والے انسان تھے،گاوں سندھو کلاں کا ہر فرد ان کی تعریف کررہا تھا 

گزشتہ رمضان میں وہ اعتکاف بیٹھے ہوئے تھے ان کی مسجد میں پروگرام تھا رات گئے تک مجھ سے مختلف مسائل پر گفتگو کرتے رہے رحمہ اللہ ۔

ہماری دعا ہے کہ اللہ تعالی ان کے تمام گناہوں کو معاف فرماکر جنت الفردوس میں داخلہ نصیب فرمائے آمین 

انھین ان کے آبائی گاوں گھلن ہٹھاڑ میں دفن کیا گیا ان کے جنازے میں بے شمار علمائ شریک تھے ۔

ان کی وفات کے دو دن بعد ان کے داماد محد

ث العصر عبدالروف بن عبدالحنان حفظہ اللہ بھی کویت سے اہل و عیال سمیت پاکستان تشریف لائے ۔

اللہ تعالی انھیں اور ان کے اہل خانہ  کو صبر جمیل عطافرمائے آمین 

مکمل تحریر >>>

مسئلہ تدلیس پر بعض مضامین کا مفصل جواب !

بعض لوگوں نے مسئلہ تدلیس پر سطحی قسم کے مضامین لکھے اور مختلف رسائل میں شایع کروائے ان کا علمی پوسٹ مارٹم مکمل ہو چکا ہے عنقریب وہ شایع ہو گا ان شاء اللہ ممکن ہے وہ ایک کتاب کی شکل اختیار کر جائے 

مکمل تحریر >>>

پہلی عقیدہ توحید سیمینار لاہور سید طیب الرحمن زیدی حفطہ اللہ 18 مئی 2013 کا خطاب

اس لنک سے آپ یہ تاریخی خطاب سن سکتے ہیں 

مکمل تحریر >>>

امام ترمذی کی کتاب العلل الکبیر کیا ثابت نہیں؟!!

بعض اہل نے اس کے ثبوت کر اعتراض کیا ہے حالانکہ یہ اعتراض فضول ہے 

اس پر علمی محاکمہ فضیلۃُ الشیخ خبیب احمد حفطہ اللہ نے لکھ دیا ہے والحمدللہ 

جو عنقریب شایع ہو گا 

اور اس 

اس کا علمی محاسبہ شیخ رفیق طاہر حفظہ اللہ نے بھی کیا ہے اس کا مطالعہ  اس لنک سے کریں 

مکمل تحریر >>>

حدیث کی تحقیق دو چیزوں پر مشتمل ہے

حدیث کی تحقیق دو چیزوں پر مشتمل ہے

سند کی تحقیق 

متن کی تحقیق

تحقیق حدیث میں دونوں کی تحقیق ضروری ہے بعض لوگ سند کی تحقیق تو کرتے ہیں لیکن متن کی تحقیق کی پرواہ نہیں کرتے یہ طریقہ درست نہیں ہے ۔

متن کی تحقیق میں شاذ اورمتن کی نکارت وغیرہ دیکھنا ضروری ہیں اسی طرح شاہد کا تعلق متن سے ہوتا ہے جب ہم متن کی تحقیق کریں گے تب شاہد بھی تلاش کرنا ہو گا ۔

اگر کسی کتاب میں سندوں کی تحقیق کرکے سندوں کو ضعیف کہا گیا ہو تو اس کا نام اسانید ضعیفہ رکھنا چاہئے نہ کہ احادیث ضعیفہ 

۔

بعض دفعہ سند ضعیف ہوتی ہے لیکن اس کے متن کا شاھد کسی صحیح حدیث میں آرہا ہوتا ہے ،

اسی طرح بعض دفعہ سند صحیح ہوتی ہے لیکن اس کے متن میں نکارت پائی جاتی ہے جیسے تلک الغرانیق والاواقعہ 

تو اس سے ثابت ہوا کہ حدیث کی تحقیق میں سند اور متن دونوں کی تحقیق ضروری ہے 

جب کوئی ضعیف سند اپنے شاہد کی وجہ سے صحیح کے درجے کو پہنچ رہی ہو تو اس کو احادیث ضعیفہ میں شمار کرنا درست نہیں ہے بلکہ اس کو صحیح احادیث میں شمار کرنا چاہئے ۔افسوس کہ بعض لوگ ان تمام احادیث کو احادیث ضعیفہ میں ہی شمار کررہے ہیں جن کے شاہد صحیح بخاری یا صحیح مسلم میں بھی موجود ہیں !!!

یغنی عنہ کا مطلب وہ اس سے بے پرواہ کر رہی ہے ،مثلاسنن ابی داود کی حدیث میں جو مسئلہ بیان ہوا ہے وہی مسئلہ بخاری کی حدیث میں ہے تو بخاری کی حدیث ابوداود کی حدیث سے بے پرواہ کررہی ہے ،اس کا واضح معنی یہ ہے کہ بخاری کی روایت سنن ابی داود کی حدیث کی شاہد ہے جس کہ وجہ سے سنن ابی داود کی حدیث بھی صحیح ہو جائے گی جب یہ صورت ہے تو سنن ابی داود کی حدیث کو احادیث ضعیفہ میں نہیں بلکہ احادیث صحیحہ میں شمار کرنا چاہئے ۔فافہم اب اس پر کوئی اعتراض کرے گا کہ اس کی سند تو ضعیف ہے اس لئے ہم نے اس کو احادیث ضعیفہ میں شمار کیا ہے ؟

ہم بڑے ادب سے کہیں گے کہ حدیث کی تحقیق میں صرف سند کی تحقیق کافی نہیں متن کی تحقیق بھی فرض ہے جب اس کے متن کا صحیح شاہد مل رہا ہے تو اس متن کو صحیح احادیث میں شمار کرنا چاہئے ۔

مکمل تحریر >>>

سفر مکہ ومدینہ اور مکی و مدنی محدثین سے ملاقاتیں قسط1

بسم اللہ الرحمن الرحیم 

۔۔۔۔۔۔۔

بچپن سے ہی حرمین شریفین کی زیارت کا شوق تھا بلکہ یاد کرکے رویا کرتا تھا جب بھی کوئی اہل علم دعا میں مکہ و مدینہ کی زیارت کے لئے دعاکرتا تو مجھے رونا آجاتا ،اگر کسی کے جانے کی اطلاع ملتی تو اور بے چینی ہوتی اور مسلسل دعائیں کرتا رہتا ۲۰۱۱میں ہمارے جامعہ کے شیخ الحدیث محمد یوسف قصوری حفظہ اللہ سفر حج کے لئے روانہ ہوئے انھیں الوداع کرنے کے لئے راقم ایئر پورٹ پر پہنچا تو ادھر کچھ اور ہی سماں نظر آیا کہ سینکڑوں کی تعداد میں لوگ حرمین شریفین جانے کے لئے ایئر پورٹ پر پہنچ چکے تھے تو اس وقت دل سے میری دعائیں کہ اے اللہ یہ سارے امیر لوگ ہیں اور میں غریب و مسکین ہوں ظاہر سفر حرمین ممکن نظر نہیں آتا لیکن تو ناممکن کو ممکن بنانے پر قادر ہے کافی دعائیں کیں اور اسی سال دارالسلام لاہور نے مجھ سے مسند احمد اور الجامع الکامل دونوں کتب پر کام کروایا اور اس کے عوض میں مجھے جو رقم دیتے رہے وہ میں جمع کرتا رہا ،ایک دن گھر میں بیٹھے ہوئے تھے اہلیہ محترمہ نے کمپیوٹر پر مسجد نبوی کی تعمیر والی سی ڈی لگادی اور ہم دیکھنے لگے تو اسی کے دوران اہلیہ نے مجھے کہا کہ میرا ایک مشورہ ہے میں نے کہا جی بتائیں ؟وہ کہنے لگیں اب اللہ تعالی نے پیسے بھی دے دیئے ہیں تم اللہ تعالی کاگھر دیکھ آؤیعنی عمرہ کر آو۔

یہ با ت سن کر میں نے سے کہا کہ تم مذاق تو نہیں کررہی ۔تو کہنے لگیں کہ نہیں میں حقیقت میں کہہ رہی ہوں ،تو میں نے کہا کہ میں اکیلا نہیں آپ بھی ساتھ جائیں گی تو کہنے لگیں کہ اس دفعہ تم والدہ محترمہ کو ساتھ لے جاؤ پھر آئندہ مجھے ساتھ لے جانا میں اس پر راضی ہوگیا والحمدللہ۔

اس ارادے کے بعدمیں نے والدہ محترمہ کو خبر دی کہ ماں جی تیاری کرو ہم دونوں نے عمرہ کے لئے جانا ہے والدہ محترمہ یہ بات سن کر بہت خوش ہوئیں اور کافی ساری دعائیں دیں ،او ر سب اہل و عیال کو بتادیا کہ میرا بیٹا محمدابراہیم مجھے عمرہ کروا رہا ہے اس طرح سب خاندان نے دعائیں کیں اور بغیر سوچے سمجھے اللہ تعالی نے ماں اور بیٹے کے تمام سازو سامان مکمل کر دئیے والحمدللہ ۔

ایک دن میں شیخ محترم شفیق الرحمن فرخ حفظہ اللہ کے پاس بیٹھا ہوا تھا اور میں نے کہا کہ شیخ صاحب میرا ذاتی گھر بھی نہیں تھا وہ بنانے کا ارادہ تھا لیکن اب نیت عمرہ کی ہے دعا کرنا تو شیخ محترم نے انتہائی وزنی بات کی اور فرمایا کہ تم اللہ تعالی کے گھر کی فکر کرو اور زیارت کرو اللہ تعالی تمھارے گھر کی فکر کرے گا اور وہ تمھارا گھر بھی بنوا دے گا ۔ان شاء اللہ ۔سبحان للہ مجھے یہ بات بہت اچھی لگی ،اور اللہ تعالی کی مہر بانی سی اسی سال ہی اللہ تعالی نے ہمت عطافرمائی کہ اپنا ذاتی گھر بھی تعمیر کر لیا والحمدللہ ۔میں نے شیخ محترم کے قول کو سچا دیکھ لیا ۔

لاہور ایئر پورٹ پر :

جہاز کی ٹکٹ کی تاریخ کے مطابق ہم ایئر پورٹ لاہور پر پہنچے مجھے الوداع کرنے والوں میں سے میری بیٹی رمیثہ بھی ساتھ تھیں ،اس بے چاری کا ذہن تھا کہ ایئر پورٹ لاہور پر عمرہ ہوتا ہے اس سے پوچھا گیا کہ بیٹی تم نے کیا عمرہ کرلیا ہے کہنے لگی کہ ہاں کر لیا ہے ،ادھر ہم اسی لئے آئے ہیں ! بعد میں سے سمجھایا گیا کہ عمرہ مکہ مکرمہ میں ہوتا ہے ۔یہ ایک بچوں کا لطیفہ تھا اس لئے مناسب سمجھ کر ذکر کر دیا ۔

تھوڑی دیر بعد ایئر پورٹ کے اندر داخل ہوگئے ،پھر کچھ دیر بیٹھے رہے اور اعلان ہوا کہ حاجی حضرا ت احرام باندھ لیں فلاں وقت جہاز روانہ ہوگا۔راقم نے سوچا کہ جب دیگر لوگ احرام باندھنا شروع کریں میں بھی باندھ لوں گا تو دیکھتے ہی دیکھتے ایئر پورٹ میں ہر طرف احرام باندھ کر لوگ چل پھر رہے ہیں ۔تو میں نے بھی احرام باندھ لیا ۔

احرام کے موقع پر کچھ توجہ طلب باتیں:

میں نے لوگوں کو دیکھا کہ وہ احرام باندھ کر دو رکعت کا اہتمام کررہے تھے حالانکہ احرام باندھنے کی وجہ سے دو رکعت نماز پرھنا ثابت نہیں ۔

اسی طرح بعض لوگ دوسروں کو سمجھا رہے تھے کہ اپنے جوتے تبدیل لکرو اور چپل جوتا پہن لو !حالانکہ ایسی کوئی بات نہیں ،بلکہ ٹخنو ں کو ننگا رکھنا ہے جوتا جیسا مرضی پہنا ہو ،اس وقت راقم نے بعض ان پڑھ مفتیوں کو سمجھایا کہ اس طرح فتوے نہ دو ،کوئی حرج نہیں پھر وہ خاموش ہو گئے ۔

ایئر پورٹ پر ایک نابینا قاری صاحب سے ملاقات:

میں احرام باندھ چکا تھا بیٹھا ہوا تھا کہ اچانک میں نے ایک قاری صاحب کو دیکھا کہ وہ میرے پیچھے کھڑے ہیں میں نے ان سے ملا ان کا نام پوچھا تو انھوں نے بتایا کہ میں قاری اکبر اسد آف چونیاں سے ہوں میں یہ سن کر بہت خوش ہوا اور اپنا تعارف کروایا وہ کہنے لگے کہ تم ہو ابن بشیر ،پھر میں نے کہا کوئی حکم میرے لائق ہو میں حاضر ہوں ،تو انھوں نے کہا کہ مجھے احرام باندھنے کا طریقہ نہیں آتا مجھے طریقہ سمجھا دیں تاکہ احرام باندھ لوں ،پھر میں نے ان کو احرام سمجھا دیا بلکہ باندھنے میں ان کی مدد کی ۔والحمدللہ ۔

جہاز کے اندر:

چند لمحوں بعد لوگ قطار میں کھڑے ہونے شروع ہوگئے اور پھر آہستہ آہستہ جہاز میں داخل ہونے لگے ،افسوس کے ساتھ لکھ رہا ہوں کہ جہاز کے دروازے عمرہ کرنے والوں کو موسٹ ویلکم کہنے کے لئے چند نوجوان اور اکثر خوبصورت بے پردہ نوجوان لڑکیاں کھڑی ہوئی تھیں ،اور پھر سارے سفر میں وہی مسلمانوں کے ایمانوں سے کھیلتی رہیں ،اس طرح نہیں ہونا چاہئے بلکہ خدمت پر لڑکوں کی ہی ڈیوٹی لگائی جائے ۔تاکہ ایمان اور اسلام محفوظ رہ سکے نظر کی حفاظت ہو سکے ۔

سارا سفر پر سکون رہا بلکہ جب جہاز اوپر یا نیچے ہوتا تھا تو مجھے رونا بھی آجاتا تھا بلکہ ڈر لگتا تھا اللہ تعالی کی مہربانی سے سفر پر سکون رہا اور سفرمیں میرے پاس چند قیمتی کتب تھیں ان کا مطالعہ کرتا رہا ۔وقت ضایع نہ ہونے دیا ۔

الریاض ایئر پورٹ پر :

ایک گھنٹہ کے لئے جہاز یہاں اترا جہاز کے اندر بیٹھے ہی اس ایئر پورٹ کو دیکھنے کاموقع ملا بہت بڑا ایئر پورٹ تھا ۔

جدہ ایئر پورٹ پر:

الریا ض سے جدہ تقریبا ایک گھنٹہ کا سفر ہے جب جدہ جہاز اترا تو بہت زیادہ اللہ تعالی کی تعریف کی کہ ہم خیر وعافیت کے ساتھ جدہ پر پہنچ چکے ہیں ۔جدہ ایئر پورٹ بھی بہت بڑا تھا ،یہاں سے مکہ مکرمہ جانے کے لئے گاڑی پر بیٹھایا گیا تو ایک پاکستانی بزرگ بھی بیٹھے ان کے ساتھ اہل وعیال بھی تھے گاڑی سے اترے اور مجھے کہنے کہ میں نماز پرھ کے آتا ہوں گاڑی کو روکنا !؟میں نے کہا ٹھیک ہے ۔

وہ بزرگ ابھی گئے ہی تھے اسی وقت ڈرائیور صاحب نے گاڑی چلانی شروع کر دی تو میں ان سے بات کی کہ ایک بزرگ نماز پڑھنے گئے ہیں ان کا انتظار کرنا ہےَ وہ ڈرائیور عربی تھا اور بہت سخت مزاج تھا اس نے میری ایک نہ سنی اور گاڑی دوڑا دی !میں نے اس کو عربی میں بہت سمجھایا کہ وہ بزرگ ان پڑھ ہے اس کے پاس کاغذات بھی نہیں ہیں وہ تو پریشان ہو گا گاڑی واپس کریں اور اسے بیٹھا کر لائیں گاڑی میں تمام مسافروں نے میری تائید کی اور ڈرائیور کو ڈانٹا ،آخر کار ڈرائیور کے دل میں رحم آیا اور کافی آگے سے گاڑی کو واپس کیا اور جدہ ایئر پورٹ پر بزرگ کو بیٹھا کر مکہ مکرمہ کی طرف سفر شروع کیا ۔

جدہ سے مکہ مکرمہ کی طرف:

تہجد کے وقت ہمارا سفر جدہ سے مکہ مکرمہ کی طرف شروع ہوا جب گاڑی چلی تو دل کی کیفیت عجیب و غریب تھی زبان پر اللہ تعالی کی تعریف و تسبیح و تحمیدوتکبیر کے کلمات جاری تھے اور آنکھیں نم تھیں کہ جلدی ہی بیت اللہ کا دیدار ہونے والا ہے اورانبیاء کرام کی سرزمین ام القری مکہ مکرمہ کی زیارت ہونے والی ہے ،وہ سرزمین جس کی محبت امت مسلمہ کے دلوں میں ڈال دی گئی اور اس سے محبت کرنا ایمان کا حصہ بنا دیا گیا ہے ۔رستے میں ایک مقام پر گاڑی کھری ہوئی او رتمام مسافروں نے نماز فجر ادا کی ،پھر سفر شروع ہو گیا میں نے بعض ساتھیوں سے پوچھا کہ مکہ مکرمہ کتنی دور ہے انھوں نے کہا کہ صرف آدھے گھنٹے کاسفر باقی ہے دل اور بے چین ہوگیا ۔اسی اثناء تھکاوٹ کی وجہ سے مجھے نیند آگئی ۔۔۔

ام القری مکہ مکرمہ میں جب میں بیدار ہوا !

ایک جگہ پر گاڑی رکی والدہ محترمہ نے مجھے بیدار کیا اور کہا کہ بیٹا لگتا ہے کہ ہم مکہ مکرمہ آگئے ہیں ،میں بیدار ہوا اور باہر دیکھا تو اونچی اونچی عمارتیں نظر آئیں یہ سفر چونکہ پہلی مرتبہ تھا اس لئے یقین نہ ہوا قریبی ساتھی سے پوچھا تو انھوں نے کہا کہ ہاں ہم مکہ مکرمہ میں پہنچ گئے ہیں والحمدللہ

مکہ مکرمہ گاڑی سے اترے تو ایک حبشی نے کہا کہ میں آپ کے ہوٹل والے کو فون کرتاہوں وہ چند منٹوں تک آپ کو لے جائے گا انتظار میں چند منٹ چند گھنٹوں مین تبدیل ہو گئے تقریبا گیارہ بجے ہم اپنے ہوٹل می پہنچے یہ ہوٹل سوق الھجرۃ پر موجود مسفلی کبری کے متصل تھا ،ہوٹل میں پہنچ کر والدہ صاحبہ کو کافی بھوک لگ چکی تھی پہلے کھانا کھایا پھر والدہ صاحبہ نے کہا کہ تھوری دیر آرام کرنا ہے پھر جاتے ہیں بیت اللہ ۔

مکمل تحریر >>>

زیادتی ثقہ کے قبول و رد سے متعلق محدثین کا موقف از شیخ کفایت اللہ سنابلی حفظہ اللہ

زیادتی ثقہ سے متعلق ہمارا یہ مضمون ہمارے درج ذیل مضمون کا حصہ ہے۔

رسول اللہ ﷺ کی سنت کو بدلنے والا : یزید، یہ روایت موضوع اورمن گھڑت ہے

چونکہ بالا مضمون کافی طویل ہے اور یہ بحث بھی طوالت کی متقاضی تھی اس لئے ہم نے اس پوری بحث کو علیحدہ مضمون کی شکل دی ۔

محدثین کا موقف


زیادتی ثقہ سے متعلق محدثین کے یہاں کوئی مخصوص ضابطہ یا قاعدہ کلیہ نہیں ہے بلکہ محدثین اس کے قبول و رد کا فیصلہ قرائن کی بنیاد پر کرتے ہیں ، ہمیں معلوم ہے کہ اہل فن نے اس بابت مختلف اقوال نقل کئے ہیں جن میں ایک قول یہ بھی ہے کہ زیادتی ثقہ کو علی الاطلاق قبول کیا جائے گا ، لیکن یہ قول شاذ ومتروک ہے نیز مجہول لوگوں کی طرف منسوب ہے اہل فن نے یہ قول ذکر تو کیا ہے لیکن اس کے قائلین کون ہیں؟ اس بارے میں کسی ایک بھی محدث کا نام یا اس کا طرزعمل محفوظ نہیں ہے جو اس موقف کا حامل ہو اور اس پر عمل کیا ہو بلکہ بعض اہل علم نے تو اسے سرے سے محدثین کا موقف مانا ہی نہیں ہے بلکہ اسے فقہاء کی طرف منسوب کیا ہے ۔
اوربعض نے محدثین میں سے امام ابن حبان ، خطیب بغدادی وغیرہ کے نام گنائے ہیں لیکن یہ غلط انتساب ہے کیونکہ یہ لوگ بھی اس متروک وشاذ موقف کے حامی نہ تھے جیساکہ ان کی دیگرتصریحات سے معلوم ہوتا ہے ۔
الغرض یہ کہ زیادتی ثقہ سے متعلق محدثین وائمہ نقد کا موقف یہی ہے کہ اس کے قبول و رد میں قرائین کا اعتبار کیا جائے جیساکہ آگے ہم محدثین کی تصریحات پیش کریں گے۔


ایک اہم نکتہ:
یہاں پر ایک اہم نکتہ کی وضاحت بھی فائدہ سے خالی نہیں ہے اور وہ یہ کہ ائمہ ناقدین جب کسی سچے ودیندار راوی کو ضعیف یا سیء الحفظ کہتے ہیں تو اس کی بیناد یہی ہوتی ہے کہ وہ دیگر ثقہ یاثقات کے خلاف رویات کرتے ہوئے پایا جاتا ہے مثلا منقطع کو متصل بناکر یا موقوف کو مرفوع بناکر یا مرسل کو موصول بناکر ۔ چنانچہ امام ذہبی رحمہ اللہ اس کی وضاحت کرتے ہوئے فرماتے ہیں:

امام ذهبي رحمه الله (المتوفى748)نے کہا:
فإن كان الثَّبْتُ أرسَلَه مثلاً والواهي وصَلَه، فلا عبرة بوصلِه لأمرين: لضعفِ راويه، ولأنه معلولٌ بإرسال الثَّبْت له.ثم اعلمْ أنَّ أكثَرَ المتكلَّمِ فيهم ما ضعَّفهم الحُفَّاظُ إلا لمخالفتهم للأثبات. وإن كان الحديثُ قد رَوَاه الثَّبْتُ بإسنادٍ، أو وَقَفَه، أو أَرسَلَه، ورفقاؤه الأثباتُ يُخالفونه: فالعِبرةُ بما اجتَمَع عليه الثقاتُ، فإنَّ الواحد قد يَغلَط. وهنا قد ترجَّح ظهورُ غَلَطِه، فلا تعليل، والعِبرةُ بالجماع

اگرثقہ وثبت کسی حدیث کومرسل بیان کرے اور ضعیف راوی اسے موصول بیان کرے تو دو اسباب کی بناپر موصول کا اعتبار نہیں ہوگا ایک یہ کہ موصول بیان کرنے والا راوی ضعیف ہے اور دوسرے یہ کہ یہ معلول ہے کیونکہ ایک ثقہ وثبت نے مرسل بیان کیا ہے ۔ اور یہ بات جان لیں کہ اکثر وہ رواۃ جن پر کلام کیا گیا ہے تو حفاظ نے انہیں اسی لئے ضعیف کہا کیونکہ انہوں نے ثقات واثبات کی مخالفت کی ۔اوراگرکسی حدیث کو ثقہ وثبت نے مسند یا موقوف یا مرسل بیان کیا لیکن اس کے دیگرثقہ وثبت ساتھی اس کی مخالفت کریں تو اعتبار اس سند کا ہوگا جس پر ایک جماعت متفق ہے کیونکہ ایک شخص سے غلطی بھی ہوسکتی ہے اوریہاں غلطی کاظاہر ہونا ہی راجح ہے لہٰذا یہاں تعلیل کی صورت نہیں بلکہ یہاں جماعت( کے بیان) کا اعتبار ہوگا[الموقظة في علم مصطلح الحديث ص: 52]
یعنی رواۃ کے حفظ سے متعلق اکثر محدثین نے جو جرح کی ہے تو اس کی وجہ راوی کی زیادتی ہی ہے ۔
بلکہ بعض محدثین نے تو جرح کرتے ہوئے راوی کے اس عیب کی صراحت کرتے ہوئے جرح کی ہے چنانچہ:

امام دارقطني رحمه الله (المتوفى385) نے ایک راوی پرجرح کرتے ہوئے کہا:
وليس بالقوي يحدث بأحاديث يسندها ويوقفها غيره
یہ راوی قوی نہیں ہے یہ ایسی احادیث کو مرفوع بیان کردیتاہے جسے دوسرے لوگ موقف بیان کرتے ہیں [سؤالات الحاكم للدارقطني: ص: 215]۔

اس قول میں غو کریں کہ امام دارقطنی نے راوی کو صرف ’’لیس بالقوی ‘‘ نہیں کہا بلکہ اس کی وجہ بھی بیان کردی اوروہ یہ کہ یہ زیاتی بیان کرتاہے۔

یہ حقیقت سامنے آنے کے بعد جو لوگ زیادتی ثقہ کو مطلق طور پر قبول کرتے ہیں ان کی نظر میں محدثین کے اقوال جرح و تعدیل بھی مشتبہ ہوجانے چاہئیں کوینکہ اکثر ان کی بنیاد راوی کی زیاتی ہی ہوتی ۔


اصول حدیث میں ظاہریت:
ماضی میں کچھ لوگ ایسے تھے کہ فقہ واستنباط میں بس ظاہر ہی کو دیکھتے تھے اور اسی کے مطابق فیصلے صادر فرمادیتے تھے امت نے ان کے اس طرزعمل کو پسندنہیں کیا بلکہ انہیں اہل ظاہر کہا ، کچھ اسی طرح کی ظاہریت کا مظاہرہ کچھ لوگ اصول حدیث میں بھی کرتے ہیں اور محض ظاہری سند اور بظاہر اس کی صحت دیکھ کر یہ فیصلہ کربیٹھتے ہیں کہ حدیث صحیح ہے ۔ جو لوگ زیادتی ثقہ کو مطلق طور پر قبول کرتے ہیں وہ بھی اسی قبیل سے ہیں ، اور بعض محدثین نے اس کی صراحت بھی کی ہے چنانچہ:

امام ابن دقيق العيد رحمه الله (المتوفى702)نے کہا:
إن من حكى عن أهل الحديث أو أكثرهم أنه إذا تعارض رواية مرسل ومسند ، أو واقف و رافع ، أو ناقص وزائد: أن الحكم للزائد ، فلم يصب في هذا الإطلاق، فإن ذلك ليس قانونا مطردا ،وبمراجعة أحكامهم الجزئية تعرف صواب ما نقول، وأقرب الناس إلي اطراد هذه القواعد بعض أهل الظاهر

یقینا جس نے محدثین سے یا ان کی اکثریت سے یہ نقل کیا کہ جب مرسل اور مسند یا مرفوع اور موقوف یا کمی وبیشی کا تعارض ہو تو زیادتی کرنے والی کی بات پر فیصلہ ہوگا تو اس نے اس طرح کی مطلق بات کہہ کر صحیح نہیں کیا کیونکہ یہ کوئی قاعدہ کلیہ نہیں ہے، اورمحدثین کے جزئی احکامات کا مراجعہ کریں تو آپ کو میری بات کی درستگی معلوم ہوجائے گی۔اورسب سے زیادہ جو لوگ اس طرح کے قواعد کو قاعدہ کلیہ سمجھ بیٹھتے ہیں وہ بعض اہل ظاہر ہیں[شرح الإلمام بأحاديث الأحكام لابن دقیق العید: 60 - 61]۔
عرض ہے کہ شیخ الاسلام ابن دقیق العید رحمہ اللہ نے بہت ہی خوبصورت بات کہی ہے کہ ہرجگہ زیادتی ثقہ کو قبول کرلینا یا اسے عام قاعدہ سمجھنا اہل ظاہر کا کام ہے چنانچہ آگے ہم ایک مثال میں کریں گے جس میں زیادتی ثقہ کو محدثین نے رد کردیا لیکن ابن حزم ظاہری رحمہ اللہ نے اصول حدیث میں بھی ظاہریت کا ثبوت دیتے ہوئے اسے قبول کرلیا ہے قارئین منتظر رہیں۔

قرائن کی روشنی میں زیادتی ثقہ کے مردود ہونے پر اہل فن کی تصریحات


اوپر ہم واضح کرچکے ہیں کہ زیادتی ثقہ سے متعلق محدثین کے یہاں کوئی قاعدہ کلیہ نہیں ہے بلکہ محدثین قرائن کی روشنی میں ہرحدیث کے ساتھ فیصلہ کرتے ہیں ، ذیل میں اس بابت ہم چوٹی کے محدثین کے اقوال پیش کرتے ہیں:


(1)
امام شافعي رحمه الله (المتوفى 204)نے کہا:
ويكون إذا شَرِك أحداً من الحفاظ في حديث لم يخالفه، فإن خالفه وُجد حديثه أنقصَ: كانت في هذه دلائل على صحة مخرج حديثه. ومتى ما خالف ما وصفت أضرَّ بحديثه، حتى لا يسع أحداً منهم قبول مرسله۔قال: وإذا وجدت الدلائل بصحة حديثه بما وصفت أحببنا أن نقبل مرسله.
اورارسال کرنے والا اگرکسی حدیث کی روایت میں حفاظ کے ساتھ ہو تو اس حدیث کی روایت میں وہ مخالفت نہ کرے ۔ اوراگرمخالفت کرے تو اس کی حدیث میں نقص(کمی) ہی ہو (زیادتی نہ ہو)۔ تو ان صورتوں میں اس بات کی دلیل ہوگی کہ اس کی حدیث کا ماخذ صحیح ہے اور جب مرسل بیان کرنے والا اس طرح کی مخالفت کردے جسے میں نے بیان کیا ہے (یعنی حفاظ کے ساتھ کسی حدیث کی روایت کرے اور کچھ اضافہ کرکے مخالفت کرے) تو یہ چیز اس کی حدیث کے لئے نقصادہ ہے[الرسالة للشافعي 1/ 463]۔

امام ابن عبد الهادي رحمه الله (المتوفى744) امام شافعی رحمہ اللہ کی اس عبارت کی تشریح کرتے ہوئے لکھتے ہیں:
وهذا دليل من الشافعي رضي الله عنه على أن زيادة الثقة عنده لا يلزم أن تكون مقبولة مطلقاً، كما يقوله كثير من الفقهاء من أصحابه وغيرهم، فإنه اعتبر أن يكون حديث هذا المخالف أنقص من حديث من خالفه ولم يعتبر المخالف بالزيادة وجعل نقصان هذا الرواي من الحديث دليلاً على صحة مخرج حديثه، وأخبر أنه متى خالف ما وصف أضر ذلك بحديثه، ولو كانت الزيادة عنده مقبولة مطلقاً لم يكن مخالفته بالزيادة مضراً بحديثه.

امام شافعی رحمہ اللہ کی طرف سے یہ اس بات کی دلیل ہے کہ ان کے نزدیک زیادثی ثقہ کی صورت میں یہ ضروری نہیں ہے کہ علی الاطلاق قابل قبول ہو جیساکہ ان کے ماننے والے بہت سے فقہاء وغیرہ کہتے ہیں۔ کیونکہ امام شافعی رحمہ اللہ نے اس بات کا اعتبار کیا ہے کہ یہ راوی جب روایت کرتے ہوئے مخالفت کرے تو اس کی حدیث اس روای کی حدیث سے کم وناقص ہو جس کی یہ مخالفت کررہا ہے ۔اور اگر یہ زیادتی واضافہ کرکے مخالفت کرے تو امام شافعی رحمہ اللہ نے اس کا اعتبار نہیں کیا ہے۔ اورامام شافعی رحمہ اللہ نے راوی کی طرف سے (مخالفت میں) ناقص بیان کردہ حدیث کو اس بات کی دلیل بنایا ہے کہ اس کا ماخذ صحیح ہے اور کہا کہ اگر زیادتی واضافہ کرکے مخالفت کرے گا تویہ چیز اس کی حدیث کے لئے نقصان دہ ہے ۔ معلوم ہوا کہ اگر امام شافعی رحمہ اللہ کے نزدیک ثقہ کی زیادتی مطلقا مقبول ہوتی تو آپ زیادتی واضافہ کے ساتھ راوی کی مخالفت کو اس کی حدیث کے لئے مضر نہیں سمجھتے [الصارم المنكي في الرد على السبكي لابن عبدالھادی: ص: 109]
یادہے کہ امام شافعی رحمہ اللہ نے یہ سب کچھ ’’مرسل ‘‘ کی قبولیت کے ضمن میں کہا جو اس بات کی دلیل ہے کہ ارسال کرنے والا بذات خود ثقہ ہوگا ورنہ اگرارسال کرنے والا ہی ضعیف ہو تو اس کی مرسل حدیث صرف مرسل ہی نہیں بلکہ ضعیف ہوجائے گی ، اور مرسل کی قبولیت کی بحث سے خارج ہوجائے گی۔
مزید یہ کہ امام شافعی رحمہ اللہ مرسل کے بارے میں یہ بھی کہا ہے کہ :
إذا سمى من روى عنه لم يسمِّي مجهولاً ولا مرغوباً عن الرواية عنه

یعنی جب ارسال کرنے والا اپنے شیخ کانام لے تو وہ مجہول یا متروک الحدیث نہ ہو[الرسالة للشافعي 1/ 463]۔
حالانکہ ارسال کرنے والے کے بارے میں امام شافعی رحمہ اللہ نے یہ قید نہیں لگائی جو اس بات کی دلیل ہے کہ امام شافعی رحمہ اللہ اسی ’’مرسل حدیث‘‘ کی بات کررہے جو بحیثیت مرسل ثابت شدہ ہو یعنی اسے بیان کرنے والا ثقہ ہو۔

امام شافعي رحمه الله (المتوفى204)نے دوسرے مقام پرکہا:
إِنَّمَا يُغَلَّطُ الرَّجُلُ بِخِلَافِ مَنْ هُوَ أَحْفَظُ مِنْهُ، أَوْ يَأْتِي بِشَيْءٍ فِي الْحَدِيثِ يُشْرِكُهُ فِيهِ مَنْ لَمْ يَحْفَظْ مِنْهُ مَا حَفِظَ، وَهُمْ عَدَدٌ، وَهُوَ مُنْفَرِدٌ

جب راوی اپنے سےاحفظ کے خلاف روایت کرے تو اس کی تغلیط کی جائے گی یا اس وقت اس کی تغلیط کی جائے گی جب وہ اپنی روایت کردہ حدیث میں کوئی ایسی بات بیان کرے کہ اسی حدیث کو روایت کرنے والے دوسرے رواۃ اسے بیان نہ کریں اور یہ دوسرے رواۃ کئی تعداد میں ہوں، جبکہ وہ منفرد ہو[اختلاف الحديث (مطبوع ملحقا بالأم للشافعي): 8/ 674]۔
(2) 
امام ابن معين رحمه الله (المتوفى233)نے کہا:
عيسى بن يونس يسند حديثا عن هشام عن أبيه عن عائشة أن النبي صلى الله عليه و سلم كان يقبل الهدية ولا يأكل الصدقة والناس يحدثون به مرسلا

عیسی بن یونس ایک حدیث کو ہشام عن ابیہ عن عائشہ کے طریق سے مرفوع بیان کرتاہے کہ اللہ کے نبی صلی اللہ علیہ وسلم ہدیہ قبول کرتے تھے اورصدقہ نہیں کھاتے تھے ۔ لیکن دیگر رواۃ اسے مرسلا بیان کرتے ہیں[تاريخ ابن معين، رواية الدوري: 4/ 28]۔
(3)
امام بخاري رحمه الله (المتوفى256)نے کہا:
وَرَوَى أَبُو خَالِدٍ الْأَحْمَرُ، عَنِ ابْنِ عَجْلَانَ، عَنْ زَيْدِ بْنِ أَسْلَمَ، أَوْ غَيْرِهِ عَنْ أَبِي صَالِحٍ، عَنْ أَبِي هُرَيْرَةَ، عَنْ النَّبِيِّ صَلَّى اللَّهُ عَلَيْهِ وَسَلَّمَ: «إِنَّمَا جُعِلَ الْإِمَامُ لِيُؤْتَمَّ بِهِ» ، زَادَ فِيهِ: «وَإِذَا قَرَأَ فَأَنْصِتُوا» ۔۔۔

اورابوخالدنے ابن عجلان عن زیدبن اسلم او غیرہ عن ابی صالح عن ابی ہریرہ کے طریق سے نقل کیا کہ اللہ کے نبی صلی اللہ علیہ وسلم نے فرمایا: ’’امام اس لئے بنایا گیا ہے تاکہ اس کی اقتداء کی جائے ۔ اور اس نے اس میں یہ اضافہ کردیا ’’اورجب امام قرات کرے توتم خاموش رہو‘‘۔۔۔[القراءة خلف الإمام للبخاري ص: 63]
امام بخاری رحمہ اللہ نے آگے مزید بحث کرکے ثقہ کی اس زیادتی کو مردود قرار دیا ہے ۔

(4)
امام مسلم رحمه الله (المتوفى261)نے کا:
أَن يروي نفر من حفاظ النَّاس حَدثنَا عَن مثل الزُّهْرِيّ أَو غَيره من الائمة بِإِسْنَاد وَاحِد وَمتْن وَاحِد مجتمعون على رِوَايَته فِي الاسناد والمتن لَا يَخْتَلِفُونَ فِيهِ فِي معنى فيرويه آخر سواهُم عَمَّن حدث عَنهُ النَّفر الَّذين وصفناهم بِعَيْنِه فيخالفهم فِي الاسناد أَو يقلب الْمَتْن فَيَجْعَلهُ بِخِلَاف مَا حكى من وَصفنَا من الْحفاظ فَيعلم حِينَئِذٍ أَن الصَّحِيح من الرِّوَايَتَيْنِ مَا حدث الْجَمَاعَة من الْحفاظ دون الْوَاحِد الْمُنْفَرد وان كَانَ حَافِظًا على هَذَا الْمَذْهَب رَأينَا أهل الْعلم بِالْحَدِيثِ يحكمون فِي الحَدِيث مثل شُعْبَة وسُفْيَان بن عيينه وَيحيى بن سعيد وَعبد الرَّحْمَن بن مهْدي وَغَيرهم من أَئِمَّة أهل الْعلم

اگر حفاظ محدثین کی ایک جماعت امام زہری یا ان جیسے ائمہ سے ایک ہی سند اور ایک ہی متن سے کوئی روایت نقل کرے یہ سب کے سب اس روایت کو نقل کرنے میں سند اور متن کے لحاظ سے متفق ہوں اور اورکسی معنی میں مین کوئی اختلاف نہ کریں ، ایسے میں ان کے علاوہ کوئی دوسرا اسی روایت کو اسی استاذ سے بیان کرے جس سے بعینہ مذکورہ جماعت نے بیان کیا ہو اور سند میں مخالفت کرے یا متن کو پلٹ دے اور اسے مذکورہ حفاظ کی جماعت کے خلاف بنادے ، تو ایسی صورت میں جان لیا جائے گا کہ دونوں طرح کی روایات میں صحیح وہ روایت ہے جسے حفاظ کی جماعت نے ایک اکیلے شخص کے مخالف بیان کیا ہے گرچہ یہ اکیلا شخص حافظ ہی کیوں نہ ہو۔ ہم نے اسی موقف پر محدثین کو گامزن پایا ہے جیسے امام شعبہ ، امام سفیان بن عیینہ ، امام یحیی بن سعید اور امام عبدالرحمن بن مہدی وغیرہم [التمييز لمسلم: ص: 172]۔
حافظ ابن حجر رحمہ اللہ امام بخاری اور امام مسلم رحمہما اللہ کا موقف بیان کرتے ہوئے فرماتے ہیں:
وَالتَّحْقِيقُ أَنَّهُمَا لَيْسَ لَهُمَا فِي تَقْدِيمِ الْوَصْلِ عَمَلٌ مُطَّرِدٌ بَلْ هُوَ دَائِرٌ مَعَ الْقَرِينَةِ فَمَهْمَا تَرَجَّحَ بِهَا اعْتَمَدَاهُ وَإِلَّا فَكَمْ حَدِيثٍ أَعْرَضَا عَنْ تَصْحِيحِهِ لِلِاخْتِلَافِ فِي وَصْلِهِ وَإِرْسَالِهِ 

صحیح بات یہ ہے کہ امام بخاری اور امام مسلم کے یہاں موصول کو مقدم کرنے کے لئے کوئی قاعدہ کلیہ نہیں ہے بلک یہ اس کا دار مدار قرائن پر ہے ، پس جب ان کے نزدیک روایت کو موصول ہونا (قرائن کی روشنی میں) راجح قرار پاتا ہے تبھی وہ اس پر اعتماد کرتے ہیں ، ورنہ کتنی ایسی احادیث ہیں جنہیں امام بخاری اور امام مسلم رحمہ اللہ نے صحیح نہیں قرار دیا کیونکہ اسے موصول اور مرسل بیان کرنے میں رواۃ نے اختلاف کیا۔[فتح الباري لابن حجر: 10/ 203]
(5)
امام دارقطني رحمه الله (المتوفى385)نے کہا:
امام دارقطنی رحمہ اللہ نے بہت سارے مقامات پر ثقہ کی زیادتی رد کردی ہے اس کی بہت ساری مثالیں ان کی کتب بالخصوص علل میں دیکھی جاسکتی ہیں۔

(6)
امام ابن دقيق العيد رحمه الله (المتوفى702)نے کہا:
إن من حكى عن أهل الحديث أو أكثرهم أنه إذا تعارض رواية مرسل ومسند ، أو واقف و رافع ، أو ناقص وزائد: أن الحكم للزائد ، فلم يصب في هذا الإطلاق، فإن ذلك ليس قانونا مطردا ،وبمراجعة أحكامهم الجزئية تعرف صواب ما نقول، وأقرب الناس إلي اطراد هذه القواعد بعض أهل الظاهر

یقینا جس نے محدثین سے یا ان کی اکثریت سے یہ نقل کیا کہ جب مرسل اور مسند یا مرفوع اور موقوف یا کمی وبیشی کا تعارض ہو تو زیادتی کرنے والی کی بات پر فیصلہ ہوگا تو اس نے اس طرح کی مطلق بات کہہ کر صحیح نہیں کیا کیونکہ یہ کوئی قاعدہ کلیہ نہیں ہے، اورمحدثین کے جزئی احکامات کا مراجعہ کریں تو آپ کو میری بات کی درستگی معلوم ہوجائے گی۔ اورسب سے زیادہ جو لوگ اس طرح کے قواعد کو قاعدہ کلیہ سمجھ بیٹھتے ہیں وہ بعض اہل ظاہر ہیں[شرح الإلمام بأحاديث الأحكام لابن دقیق العید: 60 - 61]۔

(7)
امام ابن عبد الهادي رحمه الله (المتوفى744)نے کہا:
فإن قيل : قد رواها نعيم المجمر وهو ثقة والزيادة من الثقة مقبولة قلنا : ليس ذلك مجمعا عليه بل فيه خلاف مشهور فمن الناس من يقبل زيادة الثقة مطلقا ومنهم من لا يقبلها والصحيح التفصيل وهو أنها تقبل في موضع دون موضع فتقبل إذا كان الراوي الذي رواها ثقة حافظا ثبتا والذي لم يذكرها مثله أو دونه في الثقة كما قبل الناس زيادة مالك بن أنس قوله : من المسلمين في صدقة الفطر واحتج بها أكثر العلماء وتقبل في موضع آخر لقرائن تخصها ومن حكم في ذلك حكما عاما فقد غلط بل كل زيادة لها حكم يخصها

اگرکہاجائے کہ اسے معمرنے روایت کیا ہے اور وہ ثقہ ہے اور ثقہ کی زیادتی مقبول ہوتی ہے تو ہم کہیں گے کہ: یہ کوئی متفق علیہ بات نہیں ہے بلکہ اس میں مشہور اختلاف ہے چنانچہ کچھ لوگ مطلقا زیاتی ثقہ قبول کرتے ہیں اور کچھ قبول نہیں کرتے ، اور صحیح بات یہ ہے کہ اس بار ے میں تفصیل کی جائے اور وہ یہ کہ کبھی اسے قبول کیا جائے اور کبھی قبول نہ کیا جائے ۔ چنانچہ جب زیادتی کو روایت کرنے والا حافظ اورثبت ہو اور جس نے زیادتی بیان نہیں کی ہے وہ بھی ایسا ہی ہویا ثقاہت میں اس سے کمترہو تو ایسی صورت میں زیادتی قبول کی جائے گی جیساکہ لوگوں نے امام مالک سے صدقہ الفطر والی رویات میں ’’والمسلمین ‘‘ کی زیادتی قبول کی ہے اور اکثر علماء نے اس سے حجت پکڑی ہے ۔ اور دیگر ایسے مواقع پر بھی زیادتی ثقہ مقبول ہوگی جہان مخصوص قرائن اس کی قبولیت کے حق میں ہوں ۔ اور جس نے اس سلسلے میں عام فیصلہ دے دیا تو اس نے غلط کیا اور صحیح بات یہی ہے کہ ہرزیاتی کا مخصوص حکم ہے[نصب الراية 1/ 261 نقلہ من كتابه في الجهر بالبسملة ]
(8)
امام ذهبي رحمه الله (المتوفى748)نے کہا:
فإن كان الثَّبْتُ أرسَلَه مثلاً والواهي وصَلَه، فلا عبرة بوصلِه لأمرين: لضعفِ راويه، ولأنه معلولٌ بإرسال الثَّبْت له.ثم اعلمْ أنَّ أكثَرَ المتكلَّمِ فيهم ما ضعَّفهم الحُفَّاظُ إلا لمخالفتهم للأثبات. وإن كان الحديثُ قد رَوَاه الثَّبْتُ بإسنادٍ، أو وَقَفَه، أو أَرسَلَه، ورفقاؤه الأثباتُ يُخالفونه: فالعِبرةُ بما اجتَمَع عليه الثقاتُ، فإنَّ الواحد قد يَغلَط. وهنا قد ترجَّح (1) ظهورُ غَلَطِه، فلا تعليل، والعِبرةُ بالجماع

اگرثقہ وثبت کسی حدیث کومرسل بیان کرے اور ضعیف راوی اسے موصول بیان کرے تو دو اسباب کی بناپر موصول کا اعتبار نہیں ہوگا ایک یہ کہ موصول بیان کرنے والا راوی ضعیف ہے اور دوسرے یہ کہ یہ معلول ہے کیونکہ ایک ثقہ وثبت نے مرسل بیان کیا ہے ۔ اور یہ بات جان لیں کہ اکثر وہ رواۃ جن پر کلام کیا گیا ہے تو حفاظ نے انہیں اسی لئے ضعیف کہا کیونکہ انہوں نے ثقات واثبات کی مخالفت کی ۔اوراگرکسی حدیث کو ثقہ وثبت نے مسند یا موقوف یا مرسل بیان کیا لیکن اس کے دیگرثقہ وثبت ساتھی اس کی مخالفت کریں تو اعتبار اس سند کا ہوگا جس پر ایک جماعت متفق ہے کیونکہ ایک شخص سے غلطی بھی ہوسکتی ہے اوریہاں غلطی کاظاہر ہونا ہی راجح ہے لہٰذا یہاں تعلیل کی صورت نہیں بلکہ یہاں جماعت( کے بیان) کا اعتبار ہوگا[الموقظة في علم مصطلح الحديث ص: 52]
(9)
امام ابن قيم رحمه الله (المتوفى751) نے کہا:
إن هذه طريقة لا تقبل مطلقا ولا ترد مطلقا يجب قولها في موطن ويجب ردها في موضع ويتوقف فيها في موضع فإذا كان الأئمة الثقات الأثبات قد رفعوا الحديث أو أسندوه وخالفهم من ليس مثلهم أو شذ عنهم واحد فوقفه أو أرسله فهذا ليس بعلة في الحديث ولا يقدح فيه والحكم لمن رفعه وأسنده وإذا كان الأمر بالعكس كحال حديث سفيان بن حسين هذا وأمثاله لم يلتفت إليه ولا إلى من خالفهم في وقفه وإرساله ولم يعبأ به شيء ولا يصير الحديث به مرفوعا ولا مسندا ألبته وأئمة أهل الحديث كلهم على هذا فإنه إذا كان الثقات الأثبات الأئمة من أصحاب الزهري دائما يروونه عنه موقوفا على سعيد ولم يرفعه أحد منهم مرة واحدة مع حفظهم حديث الزهري وضبطهم له وشدة اعتنائهم به وتمييزهم بين مرفوعه وموقوفه ومرسله ومسنده ثم يجيء من لم يجر معهم في ميدانهم ولا يدانيهم في حفظه ولا إتقانه وصحبته للزهري واعتنائه بحديثه وحفظه له وسؤاله عنه وعرضه عليه فيخالف هؤلاء ويزيد فيه وصلا أو رفعا أو زيادة فإنه لا يرتاب نقاد الآثار وأطباء علل الأخبار في غلطه وسهوه ولا سبيل إلى الحكم له بالصحة والحالة هذه

زیادتی ثقہ کو نہ تو مطلق قبول کیا جائے گا اور نہ ہی مطلق رد کیا جائے گا بلکہ بعض مقامات پر اس کا قبول کرنا ضروری ہوگا اور بعض مقامات پر اسے رد کرنا ضروری ہوگا اور بعض مقامات پر توقف کیا جائے گا ۔ چنانچہ جب ثقہ وثبت ائمہ کسی حدیث کو مرفوع اور موصول بیان کردیں اور ان کی مخالفت وہ لوگ کریں جو ان جیسے نہیں ہیں یا ایک شخص ان کے خلاف اسے موقوف یا مرسل بیان کرے تو یہ حدیث میں کوئی علت نہیں یا موجب قدح نہیں ہے بلکہ دریں صورت اعتبار اس کا ہوگا جس نے مرفوع یا موصول بیان کیا ہے ۔ لیکن اگر معاملہ اس کے برعکس ہو مثلا سفیان بن حسین یا ان جیسے لوگوں تو اس کی طرف کوئی توجہ نہیں کی جائے گی اور نہ ہی ان کی طرف جنہوں نے موقوف یا مرسل بیان کرنے میں مخالفت کی ہے اور اس کا کوئی اعتبار نہ ہوگا اور اس سے حدیث مرفوع یا موصول قطعا نہ ہوگی، یہی موقف تمام محدثین کا ہے۔چنانچہ جب امام زہری کے ثقہ ثبت شاگرد ایک حدیث کو سعید پر موقوف بیان کریں اور ان میں سے کوئی ایک بار بھی اسے مرفوع بیان نہ کرے باوجود انہوں نے امام زہری کی احادیث یاد کررکھی ہیں اور اسے ازبر کررکھا ہے اور وہ ان کے بہت قریبی ہیں نیز ان کی مرفوع وموقوف اور مرسل و موصول احادیث کی پہچان پر قادر ہیں ، پھر ایک دوسرا شخص ایسا آتا ہے جو ان کے میدان کا نہیں ہے اور حفظ و اتقان میں بھی ان کے ہم پلہ نہیں ہے اورامام زہری کی شاگردی و ان کی احادیث کی طلب وحفظ میں بھی وہ نہیں رہا اور نہ امام زہری سے سوال وجواب کئے ۔ پھر ایسا شخص امام زہری کی حدیث میں اضافہ کرے موصول بیان کرکے یا مرفوع بیان کرکے یا کوئی اورزیادتی کرکے تو اس کے خطاء وسہو سے متعلق ناقدین اور علل کے ماہرین کئی شک نہیں کریں گے اورایسی حالت میں اس کی حدیث کو صحیح قرار دینے کا کوئی راستہ نہیں ہوگا[الفروسية ص: 282]
(10)
امام ابن الوزير رحمه الله (المتوفى840)نے کہا:
الحكم في هذا لا يستمر بل يختلف باختلاف قرائن الأحوال وهو موضع اجتهاده

زیادتی ثقہ سے متعلق ہمیشہ کوئی ایک ہی حکم نہیں لگتا بلکہ مختلف قرائین اس میں تبدیلی ہوتی رہتی ہے اور یہ اجتہادی مسئلہ ہے[توضيح الأفكار لمعاني تنقيح الأنظار 1/ 312]
حافظ ابن حجر رحمه الله (المتوفى852)نے کہا:
والذي يجري على قواعد المحدثين أنهم لا يحكمون عليه بحكم مستقل من القبول والرد، بل يرجحون بالقرائن كما قدمناه في مسألة تعارض الوصل والإرسال.

زیادتی ثقہ سے متعلق محدثین کے قواعد پر جو بات جاری ہے وہ یہ کہ محدثین زیادتی ثقہ پر قبول ورد کے اعتبارسے کوئی مستقل حکم نہیں لگاتے بلکہ قرائین کی روشنی میں ترجیح دیتے ہیں جیساکہ تعارض موصول اورمرسل کے تعارض کے مسئلہ میں ہم بیان کرچکے ہیں[النكت على كتاب ابن الصلاح لابن حجر 2/ 687]۔
اس کے بعد آگے حافظ ابن حجررحمہ اللہ ان لوگوں کا رد کیا ہے جو علی الاطلاق زیادتی ثقہ کے مقبول ہونے کی بات کرتے ہیں۔

قرائن کی روشنی میں زیادتی ثقہ کے مردود ہونے کی مثالیں


پہلی مثال: 
امام ابن حبان رحمه الله (المتوفى354)نے کہا:
أَخْبَرَنَا ابْنُ قُتَيْبَةَ، حَدَّثَنَا حَرْمَلَةُ، حَدَّثَنَا ابْنُ وَهْبٍ، أَمْلَاهُ عَلَيْنَا، حَدَّثَنِي جَرِيرُ بْنُ حَازِمٍ، عَنْ يَحْيَى بْنِ سَعِيدٍ، عَنْ عَمْرَةَ، عَنْ عَائِشَةَ، قَالَتْ: أَصْبَحْتُ أَنَا وَحَفْصَةُ، صَائِمَتَيْنِ مُتَطَوِّعَتَيْنِ، فَأُهْدِيَ لَنَا طَعَامٌ، فَأَفْطَرْنَا، فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «صُومَا مَكَانَهُ يَوْمًا آخَرَ»

اماں عائشہ رضی اللہ عنہا فرماتی ہیں کہ میں اور حفصہ رضی اللہ عنہا نفل روزے سے تھیں تو ہمیں ہدیہ میں کھانا ملا تو ہم نے یہ روزے توڑ دیے ۔ تو اللہ کے رسول صلی اللہ علیہ وسلم نے فرمایا: تم دونوں اس کی جگہ دوسرے دن روزہ رکھ لینا[صحيح ابن حبان : 8/ 284 واخرجہ ایضا النسائی فی الکبری رقم 3299 والطحاوی فی شرح معاني الآثار 2/109 و ابن حزم فی المحلى 6/270 من طریق جریر بہ]۔
اس حدیث کی سند کے سارے رجال ثقہ ہیں اور سند میں کوئی انقطاع بھی نہیں ہے اس کے باوجود بھی اہل فن سے اس روایت کو مردود قرار دیا ہے کیونکہ یہ روایت حقیقت میں منقطع ہے اور اورجریر بن حازم نے تنہا اسے موصول بیان کیا ہے یہ گرچہ ثقہ ہیں لیکن یہاں پر ثقہ کی زیادتی اس قرینہ کی روشنی میں مردود ہے کہ دیگر اوثق راوی نے اس حدیث کو مرسلا بیان کیا ہے ۔تفصیل کے لئے دیکھئے [بحوث في المصطلح للدكتور ماهر الفحل ص: 173 نیز دیکھیں: سلسلة الأحاديث الضعيفة والموضوعة وأثرها السيئ في الأمة: 11/ 338]۔


دوسری مثال:
علي بن الجَعْد بن عبيد البغدادي (المتوفى230ھ) نے کہا:
أنَا ابْنُ أَبِي ذِئْبٍ، عَنْ يَزِيدَ بْنِ خُصَيْفَةَ، عَنِ السَّائِبِ بْنِ يَزِيدَ قَالَ: «كَانُوا يَقُومُونَ عَلَى عَهْدِ عُمَرَ فِي شَهْرِ رَمَضَانَ بِعِشْرِينَ رَكْعَةً، وَإِنْ كَانُوا لَيَقْرَءُونَ بِالْمِئِينَ مِنَ الْقُرْآنِ» 

سائب بن یزید رضی اللہ عنہ کہتے ہیں کہ لوگ عمرفاروق رضی اللہ عنہ کے دور میں ماہ رمضان میں بیس رکعات تراویح پڑھتے تھے اور سو سو آیات والی سورتیں پڑھتے تھے[مسند ابن الجعد:ص: 413]۔
اس حدیث کے بھی سارے راوی ثقہ ہیں لیکن آٹھ سے زائد رکعات بیان کرنے میں یزید بن خصیفہ منفرد ہیں یہ گرچہ بخاری ومسلم کے راوی ہیں لیکن انہوں نے اپنے سے اوثق محمدبن یوسف کی مخالفت کی ہے لہٰذا اس قرینہ اور اس کے علاوہ اور بھی قرائن کی بنیاد پر ثقہ کی یہ زیادتی مردود ہے۔


تیسری مثال:
أَخْبَرَنَا أَبُو الْفَضْلِ مُحَمَّدُ بْنُ طَاهِرِ بْنِ عَلِيٍّ الْحَافِظُ، أَخْبَرَنَا أَحْمَدُ بْنُ مُحَمَّدِ بْنِ أَحْمَدَ، قَالَ: حَدَّثَنَا عِيسَى بْنُ عَلِيِّ بْنِ عَلِيِّ بْنِ عِيسَى، إِمْلَاءً، قَالَ: حَدَّثَنَا أَبُو الْقَاسِمِ عَبْدُ اللَّهِ بْنُ مُحَمَّدِ بْنِ عَبْدِ الْعَزِيزِ الْبَغَوِيُّ، قَالَ: حَدَّثَنَا أَبُو بَكْرِ بْنُ أَبِي شَيْبَةَ، قَالَ: حَدَّثَنَا عَفَّانُ، عَنْ سَلِيمِ بْنِ حَيَّانَ، عَنْ سَعِيدِ بْنِ مِينَا، عَنْ جَابِرِ بْنِ عَبْدِ اللَّهِ الْأَنْصَارِيِّ وَعَبْدِ اللَّهِ بْنِ عَبَّاسٍ، أَنَّهُمَا قَالَا: «وُلِدَ رَسُولُ اللَّهِ صَلَّى اللَّهُ عَلَيْهِ وَسَلَّمَ يَوْمَ الْفِيلِ، يَوْمَ الِاثْنَيْنِ، الثَّانِي عَشَرَ مِنْ شَهْرِ رَبِيعٍ الْأَوَّلِ، وَفِيهِ بُعِثَ، وَفِيهِ عَرَجَ إِلَى السَّمَاءِ، وَفِيهِ هَاجَرَ، وَفِيهِ مَاتَ صَلَّى اللَّهُ عَلَيْهِ وَسَلَّمَ»

اس روایت میں ہے کہ 12 ربیع الاول ہی کو اللہ کے نبی صلی اللہ علیہ وسلم کی پیدائش ہوئی اور 12 ربیع الاول ہی کو اللہ کے نبی صلی اللہ علیہ وسلم کی وفات ہوئی اور 12 ربیع الاول ہی کو آپ کی بعثت ہوئی اور 12 ربیع الاول ہی کو آپ صلی اللہ علیہ وسلم کو معراج کرائی گئی اور 12 ربیع الاول ہی کو آپ صلی اللہ علیہ وسلم نے ہجرت کی [الأباطيل والمناكير للجورقاني: 1/ 267]۔
محترم زبیرعلی زئی حفظہ اللہ نے اس سند کے ظاہری رواۃ پر بھی جرح کی ہے حتی ایک راوی کا تعین بھی نہ کرسکے اور نہ اس کی توثیق پاسکے 
ان ان شاء اللہ آگے مفصل طور پر اس روایت کے ظاہری سند کے رواۃ کا دفاع پیش کریں گے قارئین منتظر رہیں ۔

چوتھی مثال:
امام بزار رحمه الله (المتوفى292)نے کہا:
حَدَّثنا نصر بن علي قال أَخْبَرَنَا عَبد الله بن داود، قَال: حَدَّثنا سَعِيد بن عُبَيد الله، قَال: حَدَّثنا عَبد اللَّهِ بْنِ بُرَيدة، عَن أَبيهِ، رَضِي اللَّهُ عَنْهُ، أَنَّ رَسُولَ اللهِ صَلَّى اللَّهُ عَلَيه وَسَلَّم قَالَ: ثَلاثٌ مِنَ الْجَفَاءِ: أَنْ يَبُولَ الرَّجُلُ قَائِمًا، أَوْ يَمْسَحَ جَبْهَتَهُ قَبْلَ أَنْ يَفْرَغَ مِنْ صَلاتِهِ، أَوْ يَنْفُخَ فِي سُجُودِهِ

ابن بریدہ اپنے والد سے روایت کرتے ہیں وہ کہتے ہیں کہ اللہ کے رسول صلی اللہ علیہ وسلم نے کہا : تین چیزیں جفاء میں سےہیں ، ایک کھڑے ہوکر پیشاب کرنا ، دوسرے نماز سے فارغ ہونے سے پہلے اپنی پیشانی پر ہاتھ پھیرنا اور تیسرے سجدہ میں پھونکنا[مسند البزار = البحر الزخار 10/ 305] ۔
اس حدیث کی سند کے سارے رجال ثقہ ہیں اور سند میں کوئی انقطاع بھی نہیں ہے اس کے باوجود بھی اہل فن سے اس روایت کو مردود قرار دیا ہے کیونکہ یہ روایت حقیقت میں موقوف ہے اوریہاں پر گرچہ ثقہ راوی نے اسے موصول بیان کیا ہے اورثقہ کیا زیادتی مقبول ہوتی لیکن قرائن سے معلوم ہوتا ہے کہ یہاں پرثقہ کی زیاتی قابل قبول نہیں ہے۔ تفصیل کے لئے دیکھے فتاوی حدیثیہ لابی اسحاق الحوینی ص 151 تا 152۔

امام ترمذي رحمه الله (المتوفى279)نے کہا:
حديث بريدة في هذا غير محفوظ
اس سلسلے میں بریدہ کی حدیث غیرمحفوظ ہے[سنن الترمذي ت شاكر 1/ 18]۔

عرض ہے کہ بریدہ کی حدیث کی سند کے سارے رجال ثقہ ہیں اور سند میں انقطاع بھی نہیں اس کے باوجود بھی امام ترمذی رحمہ اللہ نے اسے غیرمحفوظ قرر دیا یہ اس بات کی دلیل ہے کہ امام ترمذی رحمہ اللہ کے نزدیک ثقہ کی زیادتی مطلقا قابل قبول نہیں اور یہی موقف درست ہے۔مزید تفصیل کے لئے دیکھئے [إرواء الغليل للألباني: 1/ 98]

اس حدیث کی ظاہری سند سے دھوکہ کھا کر علامہ عینی رحمہ اللہ نے کہا:
رَوَاهُ الْبَزَّار بِسَنَد صَحِيح
یعنی اسے امام بزار نے صحیح سند سے روایت کیا ہے [عمدة القاري شرح صحيح البخاري 3/ 135]۔

اور محترم حافظ زبیرعلی زئی حفظہ نے اپنے اصول سے مجبور ہو کر اس روایت کو حسن قردیا ہے دیکھئے موطا مترجم۔

عرض ہے کہ اس حدیث کی سند گرچہ ظاہری طور پر صحیح معلوم ہوتی ہے لیکن حقیقت یہ ہے کہ یہ روایت مردود ہے کیونکہ یہی روایت دیگراصح طریق سے مروی ہے اور اس میں موصول کی زیاتی نہیں ہے لہٰذا یہاں پر وصل کی زیادتی مردود ہے گرچہ یہ زیادتی ایک ثقہ ہی کی طرف سے ہے۔
.

پانچویں مثال: 
حدثنا موسى بن إسحاق، قال: حدثنا منجاب بن الحارث، قال: حدثنا حاتم بن إسماعيل عن أسامة بن زيد، عن أبان بن صالح، عن مجاهدعن ابن عباس، رضي الله عنهما، أن رسول الله صلى الله عليه وسلم قال: إن لله ملائكة في الأرض سوى الحفظة يكتبون ما سقط من ورق الشجر فإذا أصاب أحدكم عرجة بأرض فلاة فليناد: أعينوا عباد الله.

ابن عباس رضی اللہ عنہ سے مروی ہے کہ اللہ کے رسول صلی اللہ علیہ وسلم نے فرمایا: زمین اللہ کے فرشتے ہوتے ہیں نامہ اعمال لکھنے والوں کے علاوہ ، زمین سے اگر ایک پتہ بھی گرتاہے تو یہ اسے لکھ لیتے ہیں اورجب تم کسی چٹیل میدان میں کسی مصیبت میں پھنس جاؤ تو اس طرح پکارو : اے اللہ کے بندو ! مدد کرو[مسند البزار = البحر الزخار 11/ 181]۔
بدعتی لوگ اس حدیث سے غیر اللہ کو پکارنے کی دلیل پکڑتے ہیں اور اس کی سند بظاہر صحیح ہے سند کے سارے رجال ثقہ ہیں لیکن اس کے باوجود بھی یہ روایت ضعیف ہی ہے کیونکہ اس موصول بیان کرنا راوی کی ایسی زیادتی ہے جو قرائن کی روشنی میں مردود ہے ۔ تفصیل کے لئے دیکھئے [سلسلة الأحاديث الضعيفة والموضوعة وأثرها السيئ في الأمة 2/ 108 رقم 655]۔


چھٹی مثال:
امام طبراني رحمه الله (المتوفى360)نے کہا:
حَدَّثَنَا أَحْمَدُ بْنُ يَحْيَى بْنِ خَالِدِ بْنِ حَيَّانَ قَالَ: نا يَحْيَى بْنُ سُلَيْمَانَ الْجُعْفِيُّ قَالَ: نا أَحْمَدُ بْنُ بَشِيرٍ الْهَمْدَانِيُّ قَالَ: نا مِسْعَرُ بْنُ كِدَامٍ، عَنْ عَلْقَمَةَ بْنِ مَرْثَدٍ، عَنْ سُلَيْمَانَ بْنِ بُرَيْدَةَ، عَنْ أَبِيهِ، يَرْفَعُهُ. قَالَ: «لَوْ أن بُكَاءُ دَاوُدَ صَلَّى اللهُ عَلَيْهِ وَسَلَّمَ، وَبُكَاءُ جَمِيعِ أَهْلِ الْأَرْضِ، جَمِيعًا، يَعْدِلُ بِبُكَاءِ آدَمَ، مَا عَدَلَهُ» 

ابن بریدہ اپنے والد سے مرفوعابیان کرتے ہیں کہ اللہ کے رسول صلی اللہ علیہ وسلم نے فرمایا: اگر داؤد علیہ السلام کے رونے اور تمام زمین والوں کے رونے کا موازنہ آدم علیہ السلام کے رونے سے کیا جائے تو بھی برابری نہیں ہوسکتی [المعجم الأوسط للطبراني: 1/ 51]۔
امام ہیثمی رحمہ اللہ اس روایت کو نقل کرنے کے بعد فرماتے ہیں:
رواه الطبراني في لأوسط، ورجاله ثقات.

امام طبرانی نے اسے اوسط میں روایت کیا ہے اور اس کے سارے رجال ثقہ ہیں[مجمع الزوائد للهيثمي: 8/ 128]۔
امام ہیثمی رحمہ اللہ کی اس توثیق سے معلوم ہوا کہ اس کے سارے رجال ثقہ ہیں لہٰذا أحمد بن بشير الهمداني کو مجہول کہنا بھی درست نہیں ۔
یعنی ظاہری سند بالکل صحیح معلوم ہوتی ہے لیکن یہ روایت مردود ہے کیونکہ دیگر طرق میں یہ موقوفا مروی ہے اور قرائن کی روشنی میں یہی راجح ہے لہٰذا یہاں پر جو ثقہ نے موصول بیان کرکے زیادتی کی ہے یہ زیادتی مرودو ہے اور یہ روایت مرفوع نہیں بلکہ موقوف ہے ۔
امام ابن عدی رحمہ اللہ نے یہ روایت موقوفا ذکر کرکے فرمایا:
ولم يذكر فيه بريدة، ولا النبي صلى الله عليه وسلم، وهذه الرواية أصح

اس میں بریدہ کا ذکر نہیں ہے اور نہ ہی اللہ کے نبی صلی اللہ علیہ وسلم کا ذکر ہے اوریہی روایت زیادہ صحیح ہے [الكامل في ضعفاء الرجال لابن عدي: 1/ 271]۔
علامہ البانی رحمہ اللہ نے مرفوع روایت کو تین علتوں کی بناکر پر ردکرتے ہوئے کہا:
وفيه ما علمت من الجهالة والوقف والنكارة

اس سند میں(1) ایک راوی مجہول ہے (2)اور دوسروں نے اسے موقوف بیان کیا ہے (3)اور اس میں نکارت بھی ہے۔[سلسلة الأحاديث الضعيفة والموضوعة وأثرها السيئ في الأمة 2/ 203]۔
عرض ہے کہ مجہول کی جرح درست نہیں ہے کیونکہ امام ہیثمی رحمہ اللہ نے توثیق کی ہے۔
البتہ بقیہ دونوں علتیں درست ہیں ۔


ساتویں مثال:
امام طبراني رحمه الله (المتوفى360)نے کہا:
حدثنا عبيد بن غنام، ثنا أبو بكر بن أبي شيبة، ح وحدثنا معاذ بن المثنى، ثنا مسدد قالا: ثنا إسماعيل بن إبراهيم ابن علية، ثنا يزيد الرشك، عن مطرف، عن عمران بن حصين قال: قال رجل: يا رسول الله، أعلم أهل الجنة من أهل النار؟ قال: «نعم» قال: ففيم العمل؟ قال: «اعملوا فكل ميسر لما خلق له من القول»

عمران بن حصیں رضی اللہ عنہ کہتے ہیں کہ ایک شخص نے سوال کیا: اے اللہ کے رسول صلی اللہ علیہ وسلم ! کیا جنتی کون ہیں اورجہنمی کون ہیں کیا یہ پہلے سے معلوم شدہ ہے ؟ اللہ کے نبی صلی اللہ علی و سلم نے فرمایا: ہاں ۔ تو اس شخص نے کہا: پر عمل کس لئے ؟ تو اللہ کے نبی صلی اللہ علیہ وسلم نے فرمایا: عمل کرو کیونکہ ہرشخص کے لئے وہ قول آسان کردیا گیا ہے جس کے لئے وہ پیداکیا گیاہے[المعجم الكبير للطبراني 18/ 130]
اس حدیث کے سارے رجال ثقہ بلکہ بخاری ومسلم کے رجال ہیں لیکن اس میں ثقہ نے ’’من القول‘‘ کی جو زیادتی کی ہے وہ قرائن کی روشنی میں مردود ہے مفصل تحقیق کے لئے دیکھئے [سلسلة الأحاديث الضعيفة والموضوعة وأثرها السيئ في الأمة 14/ 1127 رقم 7027]


آٹھویں مثال:
امام ترمذي رحمه الله (المتوفى279)نے کہا:
حَدَّثَنَا أَحْمَدُ بْنُ مَنِيعٍ قَالَ: حَدَّثَنَا سُرَيْجُ بْنُ النُّعْمَانِ قَالَ: حَدَّثَنَا حَشْرَجُ بْنُ نُبَاتَةَ، عَنْ سَعِيدِ بْنِ جُمْهَانَ، قَالَ: حَدَّثَنِي سَفِينَةُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «الخِلَافَةُ فِي أُمَّتِي ثَلَاثُونَ سَنَةً، ثُمَّ مُلْكٌ بَعْدَ ذَلِكَ» ثُمَّ قَالَ لِي سَفِينَةُ: أَمْسِكْ خِلَافَةَ أَبِي بَكْرٍ، وَخِلَافَةَ عُمَرَ، وَخِلَافَةَ عُثْمَانَ، ثُمَّ قَالَ لِي: أَمْسِكْ خِلَافَةَ عَلِيٍّ قَالَ: فَوَجَدْنَاهَا ثَلَاثِينَ سَنَةً، قَالَ سَعِيدٌ: فَقُلْتُ لَهُ: إِنَّ بَنِي أُمَيَّةَ يَزْعُمُونَ أَنَّ الخِلَافَةَ فِيهِمْ؟ قَالَ: كَذَبُوا بَنُو الزَّرْقَاءِ بَلْ هُمْ مُلُوكٌ مِنْ شَرِّ المُلُوكِ،

سفینہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا میری امت میں تیس سال تک خلافت رہے گی پھر بادشاہت آ جائے گی سفینہ فرماتے ہیں کہ ابوبکر، عمر، عثمان اور علی رضی اللہ عنہم کی خلافت گن لو یہ پورے تیس سال ہیں سعید نے عرض کیا بنوامیہ سمجھتے ہیں کہ خلافت انہی میں ہے حضرت سفینہ نے فرمایا کہ بنوزرقا جھوٹ بولتے ہیں بلکہ یہ لوگ تو بدترین بادشاہوں میں سے ہیں [سنن الترمذي ت شاكر 4/ 503 رقم 2226]۔
اس حدیث کے سارے رجال ثقہ ہیں لیکن یہاں پرثقہ نے جو یہ زیادتی کی ہے کہ ’’قال سعيد: فقلت له: إن بنى أمية يزعمون أن الخلافة فيهم، قال: كذبوا بنو الزرقاء، بل هم ملوك من شر الملوك‘‘( سعید نے عرض کیا بنوامیہ سمجھتے ہیں کہ خلافت انہی میں ہے حضرت سفینہ نے فرمایا کہ بنوزرقا جھوٹ بولتے ہیں بلکہ یہ لوگ تو بدترین بادشاہوں میں سے ہیں ) یہ مردود ہے کیونکہ دیگراوثق رواۃ نے اسی حدیث کو بیان کرتے ہوئے اسے ذکر نہیں کیا ہے۔
علامہ البانی رحمہ اللہ کہتے ہیں:
زاد الترمذي: " قال سعيد: فقلت له: إن بنى أمية يزعمون أن الخلافة فيهم، قال: كذبوا بنو الزرقاء، بل هم ملوك من شر الملوك ". قلت: وهذه الزيادة تفرد بها حشرج بن نباتة عن سعيد بن جمهان، فهي ضعيفة لأن حشرجا هذا فيه ضعف، أورده الذهبي في " الضعفاء " وقال:" قال النسائي: ليس بالقوي ". وقال الحافظ في " التقريب ": " صدوق يهم ". قلت: وأما أصل الحديث فثابت.

امام ترمذی کی روایت میں یہ اضافہ ہے کہ ( سعید نے عرض کیا بنوامیہ سمجھتے ہیں کہ خلافت انہی میں ہے حضرت سفینہ نے فرمایا کہ بنوزرقا جھوٹ بولتے ہیں بلکہ یہ لوگ تو بدترین بادشاہوں میں سے ہیں ) ۔ میں (علامہ البانی) کہتاہوں کہ اس زیادتی کو سعيد بن جمهان سےنقل کرنے میں ’’حشرج بن نباتة‘‘ اکیلاہے اس لئے اس کی یہ زیاتی ضعیف ہے کیونکہ حشرج میں ضعف ہے امام ذہبی رحمہ اللہ نے اسے ضعفاء میں نقل کرکے فرمایا کہ امام نسائی نے کہا: یہ قوی نہیں ہے ۔ اورحافظ ابن حجر رحمہ اللہ نے کہا: یہ صدوق ہے اور وہم کاشکار ہوتاہے۔ میں کہتاہوں کہ : اصل حدیث (مذکورہ زیادتی کے بغیرثابت ہے)۔[سلسلة الأحاديث الصحيحة وشيء من فقهها وفوائدها 1/ 821]۔
اس حدیث کے دیگرطرق کے لئے الصحیحہ کا مذکورہ حوالہ دیکھیں۔


نوویں مثال:
إسحاق بن منصور المروزي نے کہا:
حدثنا محمد بن رافع قال: حدثنا حسين بن علي عن زائدة، قال: حدثنا عبد العزيز بن رفيع عن ابن مغفل المزني قال: قال النبي صلى الله عليه وسلم إذا وجدتم الإمام ساجدا فاسجدوا أو راكعا فاركعوا أو قائما فقوموا ولا تعدوا بالسجود إذا لم تدركوا الركعة 

ابن مغفل مزنی رضی اللہ عنہ کہتے ہیں کہ اللہ کے نبی صلی اللہ علیہ وسلم نے کہا : جب تم امام کو سجدہ کی حالت میں پاؤ تو سجد کی حالت میں شامل ہوجاؤ اور رکوع میں پاؤ تو رکوع کی حالت میں شامل ہوجاؤ اور قیام کی حالت میں پاؤ توقیام میں شامل ہوجاؤ اور جب رکوع نہ ملے تو رکعت شمار نہ کرو[مسائل اسحاق بن منصور بحوالہ :الصحيحة للالبانی 3/ 185 رقم 1188 ]۔
اس حدیث کے سارے رجال ثقہ ہیں اوریہاں سند میں کوئی انقطاع بھی نہیں ہے اس کے باوجود بھی یہ حدیث ضعیف و مردود ہی ہے کیونکہ زائدہ بن قدامہ کے علاوہ ایک پوری جماعت سفيان الثوري، شعبة بن الحجاج، جرير بن عبد الحميد، أبو بكر بن عياش، وزهير، اورشريك نے اس روایت کو عبدالعزیز کے شیخ کے ابہام کے ساتھ بیان کیا ہے [علل الدارقطني : 6/ 58 ، المصنف لابن ابی شیبہ1/ 284 ،مصنف عبدالرزاق2/ 281/رقم 3373 ، سنن الکبری للبیهقي:2/ 89 ]۔ لہٰذا ابہام والی سند ہی راجح ہے ۔

ایک اور طریق میں اس مبہم شخص کو دوسرا نام ذکر تھا تو امام دارقطنی رحمہ اللہ نے اسے رد کردیا اور اس کے برخلاف ایک جماعت کی اس روایت کو ترجیح دی جس میں عبدالعزیز کے شیخ کا نام مبہم تھا چنانچہ:
امام دارقطني رحمه الله (المتوفى385)نے کہا:
يَرْوِيهِ عَبْدُ الْعَزِيزِ بْنُ رَفِيعٍ، وَاخْتُلِفَ عَنْهُ؛فَرَوَاهُ عَبْدُ الرَّحْمَنِ بْنُ عَمْرِو بْنِ جَبَلَةَ، عَنْ يَزِيدَ بْنِ زُرَيْعٍ، عَنْ شُعْبَةَ، عَنْ عَبْدِ الْعَزِيزِ بْنِ رَفِيعٍ، عَنِ ابْنِ أَبِي لَيْلَى، عَنْ مُعَاذٍ.وَخَالَفَهُ الثَّوْرِيُّ، وَزُهَيْرٌ، وَجَرِيرٌ، وَشَرِيكٌ، فَرَوَوْهُ عَنْ عَبْدِ الْعَزِيزِ بْنِ رَفِيعٍ، قَالَ: حَدَّثَنِي شَيْخٌ مِنَ الْأَنْصَارِ مُرْسَلًا، عَنِ النَّبِيِّ صَلَّى اللَّهُ عَلَيْهِ وَسَلَّمَ، وَهُوَ الصَّحِيحُ. [علل الدارقطني : 6/ 58]۔

تنبیہ:
محترم حافظ زبیرعلی زئی نے بھی اس روایت کو ضعیف قرار دیا لیکن وجہ ضعف کے طور پربڑی عجیب غریب بات ذکر کی ہے۔


زیربحث حدیث سے مشابہ ایک مثال


دسویں اور زبردست مثال:

محترم حافظ زبیرعلیزئی نے ابن عساکر کی تاریخ سے یزید کی مذمت میں ایک روایت نقل کی ہے عرض ہے کہ اسی ابن عساکر میں ’’عبداللہ‘‘ کی مذمت میں بھی ایک روایت منقول ہے ملاحظہ ہو:
امام أبو إسحاق إبراهيم بن محمد بن أحمد بن أبي ثابت رحمه الله (المتوفى338)نے کہا:
حدثنا أَحْمَدُ بْنُ بَكْرٍ، قَالَ: ثَنَا إِسْمَاعِيلُ بْنُ أَبَانَ، قَالَ: ثَنَا يَعْقُوبُ، عَنْ جَعْفَرِ بْنِ أَبِي الْمُغِيرَةِ، عَنِ ابْنِ أَبْزَى، قَالَ: قَالَ عَبْدُ اللَّهِ بْنُ الزُّبَيْرِ، حَيْثُ حُوصِرَ عُثْمَانُ بْنُ عَفَّانَ، رَحِمَهُ اللَّهُ: إِنَّ عِنْدِي نَجَائِبَ قَدْ أَعْدَدْتُهَا، فَهَلْ لَكَ أَنْ تَحَوَّلَ إِلَى مَكَّةَ فَيَأْتِيَكَ مَنْ أَرَادَ أَنْ يَأْتِيَكَ؟ قَالَ: لَا، إِنِّي سَمِعْتُ رَسُولَ اللَّهِ صَلَّى اللَّهُ عَلَيْهِ يَقُولُ: يُلْحَدُ بِمَكَّةَ كَبْشٌ مِنْ قُرَيْشٍ اسْمُهُ عَبْدُ اللَّهِ عَلَيْهِ مِثْلُ أَوْزَارِ النَّاسِ ".وَلَا أَرَاكَ إِلَّا إِيَّاهُ، أَوْ عَبْدَ اللَّهِ بْنَ عُمَرَ 

خلیفہ سوم عثمان بن عفان رضی اللہ عنہ کا جب محاصرہ کیا گیا تو ان سے عبداللہ بن زبیررضی اللہ عنہ نے کہا میرے پاس عمدہ اونٹ ہیں جنہیں میں نے آپ کے لئے تیارکیا ہے تو کیا آپ ان پرسوار ہوکر مکہ جانا پسند کریں گے تاکہ جو آپ کے پاس آنا چاہے وہیں آجائے ؟ تو عثمان بن عفان رضی اللہ عنہ نے جواب دیا : نہیں ! میں نے اللہ کے نبی صلی اللہ علیہ وسلم کو فرماتے ہوئے سنا ہے کہ مکہ میں قریش کا عبداللہ نامی ایک شخص مکہ میں الحاد پھیلائے گا اس پرلوگوں کے گناہوں کا آدھا بوجھ ہوگا، اورمیرے خیال سے اس ’’عبداللہ ‘‘ سے مراد اے عبداللہ بن زبیر رضی اللہ عنہ تم ہی ہو یا پھر عبداللہ بن عمر رضی اللہ عنہ ہیں[الجزء الأول والثاني من حديث ابن أبي ثابت: رقم 46 ترقیم جوامع الکلم ، رجالہ ثقات کلھم واسنادہ ظاهره الصحة ، ابن ابزی ھنا یروی عن عبداللہ بن زبیر ومن طریقہ اخرجہ ابن عساکر28/ 219 بہ ، ولہ شاہد عند البزار 6/ 348 رجالہ ثقات ماعدا محمد بن کثیر وھو صدوق کثیر الغلط واخرجہ ابن عساکر فی تاريخ دمشق 28/ 220 وحسنہ الالبانی فی الصحیحہ تحت الرقم 2462 ، تم تراجع عنہ فی الصحیحہ 7/ 297]۔

یہ حدیث محترم حافظ زبیرعلی زئی کے لئے بہت بڑی آزمائش ہے کیونکہ اس میں ’’عبداللہ‘‘ نامی شخص کے لئے اس سے بھی زیادہ خطرناک بات ہے جو یزید سے متعلق حافظ موصوف کی پیش کردہ حدیث میں ہے ۔ اورصرف یہی نہیں بلکہ اس حدیث میں ’’عبداللہ‘‘ نامی شخص کے لئے بہت بڑے گناہ کی بھی بات ہے ۔ اور عبداللہ سے کون مراد ہیں اس سلسلے میں خلیفہ سوم عثمان رضی اللہ عنہ کی تفسیر بھی اسی حدیث میں موجود ہے کہ اس سے مراد یا تو عبداللہ بن عمررضی اللہ عنہ ہیں یا عبداللہ بن زبیررضی اللہ عنہ ہیں ۔
اوربعد کے واقعات بتلاتے ہیں کہ عبداللہ بن عمررضی اللہ عنہ سے ایساکوئی کام سرے سے سرزد ہوا ہی نہیں البتہ عبداللہ بن زبیررضی اللہ عنہ کی بعض سرگرمیوں کی بناپر مکہ کی حرمت پامال ہوئی اس لئے یہ طے ہوجاتاہے کہ اس حدیث سے مراد ’’عبداللہ بن زبیررضی اللہ عنہ‘‘ ہی ہیں جیساکہ خلیفہ عثمان بن عفان رضی اللہ عنہ نے کہا۔

اب دیکھنا ہے کہ محترم حافظ زبیرعلی زئی کی تحقیق کیا رنگ لاتی ہے ؟ کیا جس طرح موصوف نے زیادتی ثقہ کے علی الاطلاق قبول کرنے والے مرجوح ومتروک اصول کو اپناکر یزید کو مطعون کرنے والی حدیث کو بڑی فراخدلی سے قبول کرلیا ہے کیا موصوف ’’عبداللہ بن زبیررضی اللہ عنہ سے متعلق وارد ہونے والی اس حدیث پر ایمان لائیں گے ؟؟

واضح رہے کہ صحابی رسول یزید بن ابی سفیان رضی اللہ عنہ کو مطعون کرنے والی یعنی ان پر حسن پرستی اور اسی کی خاطر کسی اور کی خوبصورت لونڈی کو غصب کرنے اور چھیننے کا الزام لگانی والی روایت کو پوری فراخدلی سے قبول کرلیا ہے ، واللہ المستعان۔

ہمارے نزدیک یہ بات تو ثابت ہے کہ اللہ کے نبی صلی اللہ علیہ وسلم نے قریش کے کسی شخص سے متعلق یہ پیشین گوئی کی ہے کہ وہ مکہ کوحلال کرکے گا اور اس کے سبب مکہ کو حلال کیا جائے گیا لیکن یہ کون شخص ہوگا اس کی صراحت کسی بھی حدیث میں منقول نہیں ہے ، اور یہاں پر ہم نے جو روایت پیش کی ہے اس میں گرچہ ’’عبداللہ‘‘ نام کی صراحت اور عثمان رضی اللہ عنہ نے اس ’’عبداللہ‘‘ کی بھی تفسیر کردی ہے ۔اور اس کے سارے رجال ثقہ بھی ہیں اور سند میں بھی انقطاع نہیں لیکن اس کے باوجود بھی ہماری نظر میں یہ روایت مردود ہے کیونکہ یہ رویات اصلا مرسل ہے اور یہاں پر گرچہ اسے ثقہ نے موصول بیان کیا ہے یعنی ثقہ نے وصل کی زیادتی کی ہے لیکن یہ ثقہ کی یہ زیادتی قرائن کی رو سے مردود ہے اورقرائین یہی ہے کہ دیگر مضبوط طرق میں یہ روایت مرسلا آئی ہے۔[اخرجہ احمد فی مسند ہ : 1/ 64 من طریق اسماعیل بروایۃ ابن ابزی عن عثمان ، قلت: رجالہ ثقات لکن قال ابوزرعہ : ابن بزی عن عثمان مرسل، ومن طریق احمد اخرجہ ابن عساکر فی تاريخ دمشق :28/ 218]۔

زیادتی ثقہ سے متعلق محترم زبیرعلی زئی حفظہ اللہ کی پیش کردہ دس مثالیں


آں جناب نے دس مثالیں پیش کرکے یہ باور کرانے کے کوشش کے ہی کہ زیادتی ثقہ علی الاطلاق قبول کی جائے گی حالانکہ ان دس مثالوں سے زیادہ سے زیادہ جو ثابت ہوسکتا وہ یہ کہ زیادتی ثقہ مقبول بھی ہوتی ہے اور ہم نے کب اس کا انکار کیا؟؟

یہ مثالیں آپ تب پیش کرتے جب ہم نے یہ کہا ہوتا کہ زیادتی ثقہ علی الاطاق مردود ہوتی ہے لیکن ہم نے یہ دعوی کیا ہی نہیں ، بلکہ ہم ابھی اسی بات کے قائل ہیں کی قرائین کی روشنی میں زیادتی ثقہ مقبول ہوتی ہے ایسے میں یہ دس مثالیں ہمارے خلاف نہیں بلکہ ہمارے موافق ہیں ۔

ان مثالوں میں ایک ایک سے متعلق ہم اپنی وضاحت پیش کرسکتے ہیں اورضرورت محسوس کی گئی تو وضاحت کریں گے بھی لیکن الحمدللہ ہم سے پہلے ہی شیخ خبیب حفظہ اللہ نے ان دس مثالوں پر بہت عمدہ تبصرہ کرچکے ہیں اس لئے ہم ذیل میں ان کی تحریر کی لنک پیش کرتے ہیں قارئین درج ذیل روابط سے یہ تحریر ڈاؤنلوڈ کرلیں ۔اوردس مثالوں بہت ہی عمدہ تبصرہ ملاحظہ فرمائیں ۔


زیادتی ثقہ کی قبولیت قرائن کی روشنی میں



زیادتی ثقہ کی قبولیت قرائن کی روشنی میں

اس مضمون کی باقی تفصیل محدث فورم سے پڑھیں 

جاری ہے۔۔۔۔۔۔۔۔۔۔۔۔

مکمل تحریر >>>